ئێمە لە تۆرە کۆمەڵایەتیەکان
ریکلام

عێراق

دادوەرەكان بە یاساكەی پەرلەمان و بڕیاری دادگای فیدراڵییەوە پابەند نەبوون

خەڵك-بەشی هەواڵ

ئەندامێكی سەركردایەتی یەكگرتووی ئیسلامی كوردستان ئاشكرایدەكات، لەپێناو گەڕانەوەی متمانە بۆ هەڵبژاردنەكان، شەش لایەنەكە هەموو رێكارێك دەگرنەبەر.

دوێنێ یەك شەممە بەرپرسانی یەكێتی لەكەركوك ئاشكرایانكرد، ژماردنەوەی دەنگەكان بەدەست هیچ گۆڕانكارییەكی لە ئەنجامی هەڵبژاردنەكاندا نەكردووە و سكاڵای یاسایش لەسەر ئەو لایەنانە تۆمار دەكەن كە تۆمەتباریان كردووە بە ساختەكاری لە هەڵبژاردنەكاندا.

لای خۆشیانەوە شەش لایەنی سیاسی هەرێمی كوردستان لە راگەیەندراوێكی هاوبەشدا ئەنجامی ژماردنەوەی دەنگەكان بەدەست رەتدەكەنەوە.

عوسمان كاروانی ئەندامی سەركردایەتی یەكگرتووی ئیسلامی كوردستان بە (خەڵك)ی راگەیاند، وەكو شەش لایەنەكە لە 12ی مانگی رابردووەوە بەیاننامەی هاوبەشیان هەبووەو بەدواداچوونیان كردووە بۆ پڕۆسەكەو كارەكانیان دابەش كردووە لە نێو لیستی پەرلەمانتارانیان لە بەغداو لە هەولێریش پەیوەندییان بە كونسوڵگەری وڵاتانەوە كردووە بۆ ئەو مەبەستە.

وتیشی “كۆبونەوەی پەرلەمان‌و بڕیاری دادگای فیدڕاڵی هەوڵ‌و ماندووبونی ئەم شەش لایەنەی تێدا بووە، بەڵام بەداخەوە دوای ئەوەی بەرپرسی یەكەمی كۆمسیۆن لە پارێزگاكان لادران‌و دادوەرەكان دانران، دادوەرەكان پابەند نەبوون بە بڕیارەكەی دادگای فیدڕاڵییەوە كە سەرجەم سندوقەكان هەژمار بكرێنەوە”.

ئاماژەی بۆ ئەوەش كرد “ئێستا دۆخێكی نوێ هاتەوەتە ئاراوە، بەیاننامە ناڕەزاییەكەی دوێنێی شەش لایەنەكە بەڵگەیە لەسەر ئەوەی ئێمە هەموو رێكارێكی هاوبەش دەگرینەبەر، بۆ داهاتووش هەماهەنگ‌و هاوكاری یەكتر دەبین لەسەرجەم ئەو وێستگانەی دێنە پێشەوە لەپێناو گەڕانەوەی متمانە بۆ سندوقی دەنگدان‌و هەروەها دووبارەنەبوونەوەی ساختەكاری لە هەڵبژاردنەكاندا‌و هەرگیز لە دەنگی دزراوی خۆمان خۆش نابین‌و مامەڵەشمان بەو دەنگانەی خۆمانەوە نەكردووە”.

ئاشكراشیكرد، عێراق دۆخێكی نەخوازراوی هەیە‌و نیمچە هەڵوەشێنراوەو حكومەتێكی مەدەنی نییەو دابەش بووە بەسەر پێكهاتەكانی شیعەو سونەو كورددا، هەروەها بوەتە شوینێ ململانێی وڵاتە هەرێمی‌و نێودەوڵەتییەكان، نەك جێبەجێكردنی داخوازییەكانی خەڵكی عێراق.

رونیشیكردەوە، دەبێت هەموو تواناكانمان بخەینەگەڕو دڵنیایی بدەینە هاووڵاتیانی كوردستان لەوەی ئێمە بەردەوام دەبین لەسەر بەدواداچوونەكانمان، چونكە پەیوەندی ئەم لایەنانە چووەتە قۆناغێكی نوێوە، دۆخێكی نوێ هاتەوەتە ئاراوەو دووبەرە دروست بووە، بەرەیەكی یەكێتی‌و پارتی‌و بەرەیەكتر بەرەی خەڵكە ناڕازییەكەیە.

كاروانی راشیگەیاند، واقیعی كوردستان ئەوەندە دۆخێكی ئارامی نییە، بۆیە ئەگەر دەسەڵاتی كوردی ئاوا بیر لە ئیدارەكردنی هەرێمی كوردستان بكاتەوە ئەم هەرێمەش بەرەو كەنارێكی نائارام دەبات.

عێراق

سەرۆكی پەرلەمان: بۆ هەڵبژاردنی سەرۆك كۆمار پابەندی وادە دەستورییەكان دەبین

خەڵك- بەشی هەواڵ

سەرۆكی پەرلەمانی عێراق رایگەیاند، پابەندن بە وادە دەستورییەكانەوە بۆ هەڵبژاردنی سەرۆك كۆمار و سەرۆك وەزیرانی عێراقەوە.

محەمەد حەلبوسی سەرۆكی پەرلەمانی عێراق ئەمڕۆ دوو شەممە لەگەڵ موقتەدا سەدر ڕێبەری رەوتی سەدر كۆبووەو دوای كۆبونەوەكەش لێدوانی بۆ هەواڵنێران دا.

حەلبوسی رونیكردەوە، لە كۆبونەوەكەدا تاوتوێی پێكهێنانی حكومەت و پابەندبوون وادەی دەستوری بۆ هەڵبژاردنی سەرۆك كۆمار و سەرۆك وەزیران كراوەتەوە.

پەرلەمانی عێراق بڕیاری داوە سبەینێ 25ی ئەیلول سەرۆك كۆماری عێراق هەڵببژێردرێت، ئەمە لەحاڵێكدا لە كارنامەی كۆبونەوەی سبەینێی پەرلەمان باس لە هەڵبژاردنی سەرۆك كۆمار نەكراوە.

هاوكات ناكۆكییەكانی پارتی دیموكراتی كوردستان و یەكێتی نیشتمانی كوردستانیش قوڵبونەوە لەسەر پۆستی سەرۆك كۆمار و هەرلایەنە و كاندیدی خۆی هەیە.

بەردەوام بە لە خوێندنەوە

عێراق

لە كارنامەی كۆبونەوەی رۆژی 25ی ئەیلولی پەرلەماندا هەڵبژاردنی سەرۆك كۆمار نییە

خەڵك- بەشی هەواڵ

كارنامەی كۆبوونەوەی رۆژی سێ شەممە 25ی ئەیلولی پەرلەمانی عێراق، هەڵبژاردنی سەرۆك كۆماری عێراقی تێدا نییە.

لە كارنامەكەدا بابەتی پێكهێنانی لیژنە هەمیشەییەكانی پەرلەمان و تاوتوێكردنی دابینكردنی خزمەتگوزاری لە پارێزگای بەسرە بە ئامادەبوونی وەزیرانی تەندروستی و ئاوەدانكردنەوە و سەرچاوەكانی ئاو هەیە.

بەپێی هەندێك سەرچاوەی دیكەی هەواڵیش هەڵبژاردنی پۆستی سەرۆك كۆماری عێراق كە سەرۆكی پەرلەمانی بڕیاری دابوو لە رۆژی 25ی ئەیلوول بێت، دواخراوە بۆ كاتێكی نادیار.

هەڵبژاردنی پۆستی سەرۆك كۆماری عێراق ناكۆكییەكی توندی لە نێوان یەكێتی نیشتمانی كوردستان و پارتی دیموكراتی كوردستاندا دروستكردووە و هەردوولایان داوای پۆستەكە دەكەن.

بەردەوام بە لە خوێندنەوە

عێراق

یەكەم كەسایەتی بۆ سەرۆك وەزیرانی عیراق خۆی كاندید كرد

خەڵك- بەشی هەواڵ
كەسایەتییەكی سیاسی عیراقی لە پارێزگای بەسرە خۆی بۆ پۆستی سەرۆك وەزیرانی عیراق كاندید كرد و ڕایگەیاند، كە بەشداری هەڵبژاردنە پەرلەمانیەكەی 12ی ئایاری نەكردووە.

وابس عامود، كەسایەتی سیاسی شاری بەسرە بە ماڵپەڕی (سۆمەریە نیوز)ی عیراقی ڕاگەیاندووە، “بە فەرمی خۆم بۆ پۆستی سەرۆك وەزیرانی عیراق كاندید كردووە و داواكاریم ئاڕاستەی سەرۆكایەتی پەرلەمان كردووە، ئەوەشم لە ئاهەنگێكدا لە بەسرە بە ئامادەبوونی هەواداران و كەسایەتییە عەشایەریەكان ڕاگەیاندووە”.

وتیشی، “كوتلە سیاسیەكان تا ئێستا لەسەر دیاری كردنی كاندیدێك ڕێكنەكەوتوون، بۆیە ئەوەم بە هەڵیچك زانی”.

عامود ڕاشیگەیاندووە، كە وەك ئەركێكی ئایینی خۆم بۆ ئەو پۆستە كاندید كردووە، بەتایبەتیش لەژێر ڕۆشنایی ئەوەی پارێزگای بەسرە تووشی قەیرانی و دەردەسەری زۆر بووە و چەندین شەهیدی داوە.

جەختیشی كردۆتەوە، كە سەرجەم مەرجەكانی بوون بە سەرۆك وەزیرانی تێدایە و ئامادەیە لە دیبەیتێكدا ڕووبەڕووی سەرجەم كاندیدەكانی ئەو پۆستە ببێتەوە.

وابس سەلمان عامود ئەلشەمەری لە ساڵی 1943 لە شارۆچكەی (سەت ئەلعەرەب) لەدایك بووە و خاوەنی بڕوانامەی دكتۆرایە لە فەسلەجەی دەمار و ماسولكە لە زانكۆی (برستۆڵ) لە بەریتانیا لە ساڵی 1973 و چەندین ساڵە لە زانكۆی بەسرە وانە دەڵێتەوە و ئەندامی ئەنجومەنی پارێزگای بەسرە بووە لە ساڵی 2005- 2009 و لە ئێستاشدا لەگەڵ هاوسەرەكەی دامەزراوەی حەوانەوە و سەرپەرشتی هەتیوان بەڕێوە دەبن بەناوی (دامەزراوەی هەتیوانی نیشتمانی).

بەردەوام بە لە خوێندنەوە
ریکلام
ریکلام
ریکلام

کوردستان

دوایین