ئێمە لە تۆرە کۆمەڵایەتیەکان

ئابوری

بۆ دابەشكردنی بەشە ئاردی مانگانە بڕیارێكی نوێ‌ دەدرێت

خەڵك – بەشی هەواڵ
بەڕێوەبەری دروستكراوی دانەوێڵەی سلێمانی ڕایدەگەیەنێت، دەستمان بەدابەشكردنی ئاردی مانگی سێ كردووە، دوو هەفتەی دیكە كۆتایی دێت و دەست بە مانگی چوار دەكەین، دەشڵێت: “بڕیارە بۆ ئەمساڵ عیراق هەشت بەش یان كەمتر ئارد دابەش بكات”.

نەسیرن محەمەد، بەڕێوەبەری دروستكراوی دانەوێڵەی سلێمانی بە (خەڵك)ی ڕاگەیاند، دابەشكردنی ئارد لە سلێمانی بەردەوامە و لە ئێستادا دەستمان كردووە بە دابەشكردنی ئاردی مانگی سێ و دوو هەفتەی دیكە كۆتایی دێت.

وتیشی، “هاوشێوەی زۆرێك لە پارێزگاكانی دیكەی عیراق ئاردی مانگی سێ دابەشدەكرێت، جگە لە چەند پارێزگایەكی خوارووی عیراق، كە مانگی چوار-یان دابەشكردووە، لەبەرئەوەی ئەوان زووتر گەنم وەردەگرن، ئێمە تا ئێستا گەنمی خۆمان بۆ ئاردی ئەمساڵ بەكارنەهێناوە و لە كەركوك گەنم دەهێنین، بەڵام بۆ مانگی داهاتوو گەنمی خۆمان ئامادە دەبێت”.

ڕاشیگەیاند، پێشتر عیراق بۆ ساڵێك 10 بەش ئاردی دابەش دەكرد بە جۆرێك هەر 45 ڕۆژ جارێك ئارد دابەشدەكرا و پار ساڵ كرایە هەشت بەش بۆ ساڵەكە، بۆ ئەمساڵیش ڕەنگە هەر هەشت بەشەكە بێت یان كەمتر بێتەوە بۆ 6 بەش، بەڵام هێشتا هیچ بڕیارێكمان بەدەست نەگەیشتووە.

ئابوری

جیاوازی لە نێوان باخچەكانی هەولێر و سلێمانیدا دەكرێت

پاركی هەواری شار لە سلێمانی فۆتۆ: خەڵك

خەڵك – بەشی هەواڵ
بەڕێوەبەری باخچەكانی سلێمانی ڕایدەگەیەنێت “جیاوازییەكی زۆر لە نێوان باخچەكانی هەولێر و سلێمانی دەكرێت، بەنمونە، تەنها بۆ پاركی سامی عەبدولڕەحمان زیاتر لە هەزار كارمەندی هەیە، بەڵام لە سلێمانی بۆ هەردوو باخی گشتی و پاركی ئازادی تەنها 30 كارمەند هەیە”.
كامەران حەمەساڵح، بەڕێوەبەری باخچەكانی سلێمانی بە (خەڵك)ی ڕاگەیاند “ماوەیەكە لە ماڵپەڕەكانەوە وەك دژایەتی سلێمانی و خەڵكەكەی باس لەوە دەكرێت، كە گوایە باخی گشتی و باخچەكانی سلێمانی بەرەو بیابان بوون دەچن، بەڵام ئەمە دوورە لە ڕاستیەوە، هیچ شتێكی لەو جۆرەش بوونی نیە و خۆتان وەرن بەچاوی خۆتان سەیری باخی گشتی بكەن”.

ناوبراو دەشڵێت “لەگەڵ ئەوەی بڕیاربوو 1ی حوزەیران ڕەزامەندی تانكەری پێدانی ئاوی بۆ باخچەكان جێبەجێ‌ بكریـَت، ئەمڕۆ 21ی تەمموزە هێشتا ئاوی تانكەر بۆ باخچەكان ڕەوانە نەكراوە”.

ڕاشیگەیاند، بە خۆشحاڵیەوە لەگەڵ ئەو هەموو ڕێگریەی لە باخچەكانی دەكرێت، ڕیژەی سەوزایی لە سلێمانی 18.34% و ستانداری جیهانی تێپەڕ كردووە، واتە لەسەر ئاستی هەموو عیراق و هەرێمیش لە پلەی یەكەمدایە.

ئاشكراشی كرد، لەمانگی یەكی ئەمساڵەوە نوسراومان كردووە بۆ وەزارەتی شارەوانی و پارێگاری سلێمانی بۆ دابین كردنی تانكەری ئاو بۆ باخچەكانی ناوشار بۆ ئەوەی لە ڕۆی 1ی حوزەیرانەوە تانكەرەكان دەستبەكار بن، بەڵام ئەمڕۆ 21ی تەمموزە هێشتا نەئاو و نەتانكەر بوونیان نیە، ئیتر ئەگەری وشكبوونی باخچەكان چۆن نییە.

بەردەوام بە لە خوێندنەوە

ئابوری

خراپی بەنزین لە سلێمانی بەرۆكی شۆفێران بەرنادات
ئەندامێكی ئەنجومەن: پارێزگار وتی بەنزین كێشەی نییە

 

خەڵك – بەشی هەواڵ
خراپی بەنزین لە سلێمانی جارێكی دیكە بەرۆكی شۆفیرای گرتەوە و سوتاندنی فیول پەمپ تەنانەت سوتانی ئۆتۆمبێلیشی لێكەوتۆتەوە، جێگری سەرۆكی وزە و سەرچاوە سروشتیەكانی ئەنجومەنی پارێزگای سلێمانی-یش دەڵێت: “بەدواداچوومان بۆ ژمارەیەك بەنزینخانە كردووە، هیچ كێشەیەكی ئەوتۆیان نەبووە تا پێیان دابخرێت”.

ڕێكەوت زەكی، جێگری سەرۆكی لیژنەی وزە و سەرچاوە سروشتیەكانی ئەنجومەنی پارێزگای سلێمانی بە (خەڵك)ی ڕاگەیاند، ماوەیەك خراپی بەنزین بۆتە هۆی سووتاندن و لەكاركەوتنی فیول پەمپی ئۆتۆمبێل، هەندێك جاریش بۆتە هۆی سووتاندنی ئۆتۆمبێلەكان.

ڕاشیگەیاند، بۆ بەدواداچوونی ئەو بابەتە بە هەماهەنگی لەگەڵ لایەنە پەیوەندیدراەكانی سلێمانی چووینە ژمارەیەك بەنزینخانە و پشكنینان بۆ كرا، بەڵام سەرجەمیان كێشەیەكی ئەوتۆیان نەبووە، كە شایەنی ئەوە بێت بەنزینخانەكەی پێ دابخرێت.

وتیشی، “لیژنەكەمان پێشتر و لەمانگی حوزەیران میوانداری پارێزگاری سلێمانی كرد، ئەوەی بەیان كرد، كە هیچ كێشەیەك لە بەنزینی سنوری سلێمانی بوونی نیە و تەنانەت فیول پەمپ-یش نەسوتاوە”.

ڕاشیگەیاند، ئەو لە كۆبوونەوەكە تەحەدای ئەوەی دەكرد، ئەگەر لە سلێمانی بەهۆی بەنزینەوە فیول پەمپ یان ئۆتۆمبیلێك بسوتێ‌ دەیگرێتە ئەستۆ، بەوەی دڵنیایە لەوەی بەنزینی سلێمانی هیچ كێشەی لە ڕووی كوالێتیەوە نیە.

بەردەوام بە لە خوێندنەوە

ئابوری

دۆلار دابەزی و تمەن-یش هاڕەی كرد

خەڵك – بەشی هەواڵ
نووسینگەیەكی ئاڵوگۆڕی دراو لە سلێمانی ڕایدەگەیەنێت، بەهای 100 دۆلار بە 120 هەزار و 200 دینارە و كەمێك دابەزیوە و دەشڵێت: “تەمەن تا دێت ڕوو لە دابەزین دەكات”.

ئیبراهیم غەفور، خاوەنی نووسینگەی نەشوان لە بازاڕی دۆلارەكەی شاری سلێمانی بە (خەڵك)ی ڕاگەیاند، لەكاتی داخستنی بازاڕی دراوەكان بەهای 100 دۆلار بە 120 هەزار و300 دینار بەدراوی 10 هەزاری و 5 هەزاری مامەڵەی پێوەكرا، بەڵام بەدراوی 25 هەزاری بە 120 هەزار و 200 دینار بووە.

وتیشی، “تمەنی ئێرانی ڕۆژ لەداوی ڕۆژ ڕوو لە دابەزین دەكات و بەجۆرێك لە ئێستادا 100 هەزار تەمەنی ئیرانی بە 14 هەزار و 750 دینارە”.

ڕاشیگەیاند، بۆ حەواڵە 100 هەزار تمەنی ئێرانی بە 14 هەزار و 200 دینار ئاڵوگۆڕی پێوەدەكرێت.

بەردەوام بە لە خوێندنەوە
ریکلام

کوردستان

دوایین