ئێمە لە تۆرە کۆمەڵایەتیەکان

ژینگە

شەپۆلێكی گەرما هەرێمی كوردستان دەگرێتەوە

خەڵك- بەشی هەواڵ
دوای ئەوەی ماوەی سێ‌ ڕۆژە شەپۆلی گەرمای وەرزی هاوینە لەسەر هەرێمی كوردستان لاوازبووە، كەشناسی عیراق ڕایدەگەیەنێت، شەپۆلێكی دیكەی گەرما عیراق و هەرێم دەگرێتەوە.

دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، سبەینێ‌ دوو شەممە ئاسمان لە سەرجەم ناوچەكانی عیراق و هەرێم ساماڵ دەبێت و پلەكانی گەرما كەمێك بەرزدەبنەوە و لەناوچەكانی باشوور خێرایی با چالاك دەبێت و دەبێتە هۆی خۆڵبارین.

ڕاشیگەیاندووە، ڕۆژی سێ‌ شەممە لە ناوچەكانی ناوەڕاستی عیراق كەشوهەوا بە سەقامگیری دەمێنێتەوە، بەلام لە هەرێمی كوردستان پلەكانی گەرما جارێكی دیكە بەرزدەبنەوە.

ئاماژەی بەوەشكردووە، كە ڕۆژی چوار شەممە ئاسمان لەسەرجەم ناوچەكان ساماڵ و خۆرەتاو دەبێت، بەڵام لە ناوچەكانی ناوەڕاست و باشوور و هەرێمی كوردستان پلەكانی گەرما بەرزدەبنەوە.

ژینگە

سێ‌ بوومەلەرزە چەند ناوچەیەكی كوردستان دەهەژێنێت

خەڵك- بەشی هەواڵ
كەشناسی گەرمیان بڵاویكردەوە، كە ئەمڕۆ دوو شەممە سێ‌ بوومەلەرزە لە ناوچەكانی نێوان تازەئاباد و چیای داڵەهۆی لە ڕۆژهەڵاتی كوردستان داوە و لە چەند گوندێك زیانی لە خانووی هاوڵاتیان داوە.

فەرمانگەی كەشناسی گەرمیان لە ڕاگەیەنراوێكدا، كە لە هەژماری خۆی لە فەیسبووك بڵاویكردۆتەوە، ئاماژەی بەوەكردووە، كە ئەمڕۆ دوو شەممە 16 / 7 / 2018 بوومەلەرزەی یەكەم لەكاتژمێر 05:19 بەیانی بەگوڕی 3 پلە بەپێوەری ڕێختەر لەقوڵایی 8 كیلۆمەتر و بەدوری 82 لەسەنتەری شاری كەلار ڕوویداوە.

ڕاشیگەیاندووە، بوومەلەرزەی دووەم لەكاتژمێر 08:33 ی بەیانی بەگوڕی 4.2 پلە بەپێوەری ڕێختەر لەقوڵایی 7 كیلۆمەتر و بەدووری 88 كیلۆمەتر لەسەنتەری كەلار ڕوویداوە و لەشارۆچكەی تازەئاباد و چەند گوندێكی دەوروبەری زیانی لەچەند خانویەكی هاووڵاتیان داوە و خۆشبەختانە زیانی گیانی نەبووە.

ئاشكراشی كردووە، بوومەلەرزەی سێیەم لەكاتژمێر 08:53 بەیانی بەگوڕی 3.5 پلە بەپێوەری ڕێختەر لەقوڵایی 7 كیلۆمەتر و بەدووری 83 كیلۆمەتر لەسەنتەری كەلار ڕوویداوە.

بەردەوام بە لە خوێندنەوە

ژینگە

شارێكی كوردستان بەرزترین پلەی گەرما لە جیهاندا تۆمار كرد

خەڵك- بەشی هەواڵ
لەم ماوەیەی دواییدا ناوچەكە بەشێوەیەكی بەرچاو بەرزبوونەوەی پلەكانی گەرمای بەخۆوە بینی و ژمارەی پێوانی لە جیهاندا تۆماركرد، شارێكی كوردستانیش یەكێكە لەو شارانەی بەرزترین پلەی گەرمای لە ناوچەكەدا تۆمار كرد.

بەپێی ئینفۆگرافیكێك، كە لەلایەن كەناڵی (سكای نیوز عربیە)وە بڵاوكراوەتەوە، شاری كەركوك لەنێوان ئەو شارانەدایە، كە بەرزترین پلەكانی گەرمایان لە جیهاندا تۆمار كردووە.

لەگەڵ شاری كەركوكدا، شارێكی تری عیراقیش بە هەمان شێوە بەرزترین پلەی گەرمای تۆماركردووە، كە ئەویش شاری عەممارە-یە، بەپێی ئینفۆگرافیكەكە، پلەكانی گەرما لە شاری كەركوك گەیشتونە 50 پلەی سەدی و لە شاری عەممارەی باشووری عیراقیش، 50 پلەی سەدی تۆماركراوە.

بەردەوام بە لە خوێندنەوە

ژینگە

ئاگر لە سنوری دەربەندیخان و چەمچەماڵ كەوتەوە

خەڵك- بەشی هەواڵ

بەهۆی ئاگركەوتنەوە لە سنوری دەربەندیخان و ئاخجەلەری سەر بە چەمچەماڵ زیاتر لە (55) دۆنم پوش و پاوان سووتا.

هێمن كەمەرخان ئەفەندی بەڕێوەبەری ڕاگەیاندنی بەڕێوەبەرایەتی پۆلیسی دارستان و ژینگەی پارێزگای سلێمانی لە راگەیەندراوێكدا كە وێنەیەكی بۆ (خەڵك) نێردراوە، ڕایگەیاند: لەماوەی دوو ڕۆژی ڕابردوودا (2) حاڵەتی ئاگركەوتنەوە لە سنوری (ئاخجەلەر و دەربەندیخان) ڕوویان داوە لەنێوان (كانی بی و / گەورەدێ ) لەگەڵ ئەوەی دەست بەجێ مەفرەزەكانی بەشی پۆلیسی دارستانی (ئاخجەلەر) گەیشتنە شوێنی ئاگركەوتنەوەكە و بە هاوكاری گوند نشینەكان و ئاگركوژێنەوە تونراوە ئاگرەكان كۆنتڕۆڵ بكرێت، زیاتر لە (40) دۆنم پوش و پاوان و سوتا”.

وتیشی “هۆكاری ئاگركەوتنەوەكە گومان دەكرێت فڕێ دانی جگەرەی نەكوژاوە بێت”.

ئاشكراشیكرد “لە لایەكی ترەوە ئاگرێك لە سنوری دەربەندیخان كەوتەوە دەست بەجێ مەفرەزەكانی پۆلیسی دارستان گەیشتنە شوێنی ڕووداوەكە توانرا لەماوەیەكی كورتدا كۆنتڕۆڵی ئاگرەكە بكرێت و زیانی ئاگرەكە (15) دۆنم پوش و پاوان سووتاوە”.

بەردەوام بە لە خوێندنەوە
ریکلام

کوردستان

دوایین