ئێمە لە تۆرە کۆمەڵایەتیەکان
ریکلام

جیهان

ئێران بە داخستنی گەروی هورمز وەڵامی ئەمریكا و عەرەبستان دەداتەوە

خەڵك-بەشی هەواڵ

بریكاری فەرماندەی فەرماندەیی “سارالله”ی سوپای پاسدارانی ئێران هۆشداری ئەوە دەدات، لە ئەگەری پێشگیری لە هەناردەكردنی نەوتی ئێران، ئەوانیش لەبەرانبەردا رێگری لە هاتووچۆی سەرجەم ئەو كەشتییە نەوتیانە دەكەن كە لە گەرووی هورموزدا تێپەڕ دەبن.

تۆڕی یۆرونیوز بڵاویكردەوە، ئیسماعیل كەوسەری بریكاری فەرماندەی فەرماندەیی “سارالله”ی سوپای پاسدارانی ئێران بە (خبرنگاران جوان)ی راگەیاندووە، ئەگەر رێگری لە هەناردەكردنی نەوتی ئێران بكرێت، ئێمەش هەناردەكردنی نەوتی جیهان لەرێگای كەنداوی “فارس” بۆ جیهان بنەبڕ دەكەین.

ئاشكراشیكرد، 20%ی نەوتی جیهان لە رێگەی گەرووی هورموزەوە هەناردە دەكرێت و جیهانیش پێویستی بەم نەوتە هەیە، هەر هەنگاوێكی خراپ لەلایەن ئەمریكاوە بۆ سەر ئێمە بگیرێتەبەر، ئێمەش رێگای توند دەگرینەبەر، ئەمەش تێچوونەكان بۆ ئەمریكا زیاتر دەكات.

ئەمەش لەكاتێكدایە دۆناڵد ترەمپ لە رێكەوتنە ئەتۆمییەكە كشاوەتەوەو داواش لە وڵاتان دەكات نەوتی ئێران نەكڕن‌و بە فەرمیش داوای لە سعودیە كرد بەرهەمی نەوتی بۆ 2 ملیۆن زیاد بكات، دوینێ چوارشەممەش بەرپرسانی سعودیە تەئكیدیان لەسەر بڕیارەكەی ترەمپ كردەوەو ئاشكرایانكرد رۆژانە 2 ملیۆن بەرمیل نەوت هەناردە دەكەن.

لای خۆشییەوە حەسەن رۆحانی سەرۆك كۆماری ئێران رایگەیاند، ئەمریكاییەكان درك بەوەناكەن كە دەیانەوێ رێگە لە فرۆشتنی نەوتی ئێران بگرن، ئەوە بۆ ئێرانییەكان زۆر بێ واتایە كە نەوتی ناوچەكە هەناردە بكرێت‌و نەوتی ئێران نەكڕدرێت.

جیهان

بەوێنە..سعودیە خزمەتگوزارییەكی دەگمەنی بۆ حاجی و عومرەكاران خستەكار

خەڵك-بەشی هەواڵ

شا سەلمان بن عەبدولعەزیز شای سعودیە دوای چەندین ساڵ لە دواكەوتنی، شەمەندەفەری خێرای 5 ملیار دۆلاری نێوان مەككە و مەدینەی كردەوە.
هێڵی ئاسنینی نێوان ئەو دوو شارە نزیكەی 450 كیلۆمەتر دەبێت و بڕیارە رۆژی دووشەممەی داهاتوو دەست بە گواستنەوەی گەشتیاران بكەن.
تۆڕی (BBC) بڵاویكردەوە، تاكو كۆتایی ئەمساڵ شەمەندەفەرەكان رۆژانە 8 جار لەنێوان ئەم دووشارەدا هاتووچۆ دەكەن و دواتر بڕیارە ژمارەی هاتووچۆكان بۆ 12 جار زیاد بكرێن.
نەبیل عامودی وەزیری گواستنەوەی سعودیە رایگەیاند، گەشتی نێوان مەككە و مەدینە لە ئێستادا كاتێكی كەمتری دەوێت لەچاو پێشتردا.
وتیشی”موسڵمانان لەكاتی ئەنجامدانی حەج و عومرەدا هاتووچۆی نێوان ئەم دووشارە دەكەن كە دووری نێوانیان بە ئۆتۆمبێل نزیكەی 6 كاتژمێرە، بەڵام لەمەودوا دەتوانن ئەو گەشتە بە دوو كاتژمێر ئەنجام بدەن”.
وێستگەی شاری مەككە نزیكەی 4 كیلۆمەتر لە كەعبەی پیرۆزەوە دوورە و لانی كەم لە كاتژمێرێكدا توانای گواستنەوەی 20 هەزار گەشتیاری هەیە.

هێڵی شەمەندەفەرەكە بە هاوبەشی لەنێوان كۆمپانیاكانی ئیسپانیاو فەرەنساو چین بەرهەم هاتووە

و پڕۆژەكەش بە 6 ساڵ كۆتایی پێهاتووە.

بەردەوام بە لە خوێندنەوە

جیهان

ستایشی كیم جۆن دەكات
ترەمپ: ئێران پشتیوانی لە تیرۆر دەكات

خەڵك- بەشی هەواڵ

دۆناڵد ترەمپ، سەرۆكی ئەمریكا ڕایدەگەیەنێت، ڕێگە نادەن وڵاتێكی وەك ئێران، كە پشتیوانی لە تیرۆر دەكات، ببیتە خاوەنی مەترسیدارترین چەك و هەڕەشەی لەسەر جیهان دروست بكات.

ئەمڕۆ سێ‌ شەممە، دۆناڵد ترەمپ، سەرۆكی ئەمریكا لە وتارێكیدا لەبەردەم كۆمەڵی گشتی نەتەوە یەكگرتووەكان ڕایگەیاند، “دەیانەوێت پەیوەندییەكی باشیان لەگەڵ لەگەڵ ئێراندا هەبێت، بەڵام تا وڵاتەكە هەڵسوكەوتی خۆی نەگۆڕێت، لەم ڕەوشەی ئێستادا ئەو پەیوەندییە ناڕەخسێت، لەگەڵ ئەوەشدا ڕێگەنادەنئێران ببێتە خاوەنی چەكی ئەتۆمی و لێوەی هەڕەشەی لەسەر ئەمریكا و ئیسڕائیل و هاوپەیمانەكانی دروست بكات”.

سەرۆكی ئەمریكا هۆكاریی سەپاندنی سزاكانی بەسەر ئێراندا ئاشكرا كرد و ڕاگەیاند، “سزاكان بۆ ئەوەن تا دەسەڵاتدارانی ئێرانی نەبنە خاوەنی چەكی ئەتۆمی و ئابورییەكی بەهێز، بۆیە بە هیچ شێوەیەك ڕێگەبە وڵاتێكی وەها نادەن ببێتە خاوەنی مەترسیدارترین چەك و لێوەی پشتیوانی لە تیرۆر بكات”.

بە وتەی سەرۆكی ئەمریكا، “سەركردەكانی ئێران، پشتیوانی لە كوشتن و كاولكاریی و پشێوی دەكەن و ڕێز لە وڵاتانی دراوسێ‌ ناگرن، ئەوان چەندان ملیۆن دۆلاری خەزێنەی گشتی وڵاتەكەیان دزیوە و لە بەكرێ گیراوەكان و جەنگەكاندا بەكاریان هێناوە”، ئاماژەی بە پشتیوانی زۆرێك لە وڵاتانی خۆرهەڵاتی ناوەڕاستیش لە بڕیاری پاشەكشەكردنی وڵاتەكەی لە ڕێكەوتنی ئەتۆمی كرد.

ئەمڕۆ سێ‌ شەممە،لە شاری نیویۆرك-ی ئەمریكا بە بەشداری زیاتر لە 140 سەرۆك و سەرۆك وەزیرانی وڵاتان، كۆمەڵی گشتی نەتەوە یەكگرتوەكان كۆبوونەوەی خولی 73ی خۆی دەستپێكرد.

بەردەوام بە لە خوێندنەوە

جیهان

خامنەیی دێتە عیراق

خەڵك- بەشی هەواڵ
سەرچاوەیەكی ئەمنی ڕایدەگەیەنێت، هێزەكانی ئێران لە سنورەكانی عیراق نزیك دەبنەوە، ئەمەش وەك زەمینەسازییەك بۆ جێبەجێكردنی ئەركێكی ئەمنی، كە پەیوەندی بە عەلی خامنەیی، ڕابەری باڵای شۆڕشی ئیسلامی ئێرانەوە هەیە.

سەرچاوەیەكی ئەمنی، كە نەیویستووە ناوی خۆی ئاشكرا بكات، بە ماڵپەڕی (وطن نیوز)ی عیراقی ڕاگەیاندووە، “هێزە ئێرانییەكان لەم چەند ڕۆژەدا لەسەر سنورەكانی عیراق نزیك بونەتەوە، تا چاودێری ئەمنی بكەن، ئەمەش وەك پێشەكییەك بۆ سەردانێكی عەلی خامنەیی، ڕابەری باڵای شۆڕشی ئیسلامی ئێران، كە بەم زووانە بۆ عیراق ئەنجامی دەدات”.

بە وتەی سەرچاوەكە، “ئەو سەردانەی خامنەیی ئەنجامی دەدات، بۆ مەبەستی زیارەتی نزرگە پیرۆزەكانە لە پارێزگای كەربەلا، كە هاوكاتە لەگەڵ ڕێوڕەسمی زیارەتی چلەی ئیمام حسێن”.

شیعەكان لە 10ی موحەڕەم و ڕۆژانی دوایی، ڕێوڕەسمی ماتەمینی بۆ شەهید بوونی ئیمام حسێن سازدەكەن، لەو ڕۆژانەشدا سەردانی نزرگە پیرۆزەكانی دەكەن لە پارێزگای كەربەلا.

بەردەوام بە لە خوێندنەوە
ریکلام
ریکلام
ریکلام

کوردستان

دوایین