ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

چۆن رەنگی جوانی پلەدار لە مۆبایلی HUAWEI P20 Pro بەدیاركەوت

زنجیرە مۆبایلەكانی P Series لەهواوی بە وێنەگرتنی فۆتۆگرافی ناوازە ناسراوە، مۆبایلی HUAWEI P20 Series هەمان تایبەتمەندی هەیە، مۆیابلی HUAWEI P20 Pro لەپلەی 109 پۆلینكراوە بەپێی ماڵپەڕی DxOMark كە بەرزترین پلەی پۆلینكردنە كە مۆبایلێك وەریگرتبێت، ئەو مۆبایلە كامێرایەكی سیانە لە لایكا لەخۆدەگرێت بۆ یەكەمجار لەسەر ئاستی جیهان.

مۆبایلی HUAWEI P20 Pro تایبەتمەندییەكی دیكە لەخۆدەگرێت كە جێگای بایەخی رۆژنامەنووسانەو سەرنجی بەكارهێنەران بۆخۆی رادەكێشێت .

ئێمە باس لە پێكهاتەی رەنگەكانی (توایلایت)ی پلەدار دەكەین!! ئەوەش تەنها لە HUAWEI P20 Pro بەدەست دەكەوێت، ئەو رەنگە جوانە بۆتە بابەتی قسەكانی نێوان هەوادارانی مۆبایل لەگەڵ وەشاندنی بۆ جاری یەكەم .

ئەو پێكهاتە رەنگیەی نێوان رەنگی مۆر بۆ شین، دواتر بۆ رەنگی شینی زەق بۆ سەوز – بەهەمان پلەداری فیزیایی رەنگەكان-، بەخێرایی ئامێرەكانی رەنگی (توایتلایت) لەوڵاتی چین فرۆشرا كە ئەوە ئاماژەیەكە بۆ جەماوری ئەو ئامێرە لە نێو بەكارهێنەراندا.
چی لەهواوی كرد ئەم پێكهاتە رەنگیە بێ وێنەیە بدۆزێتەوە؟ تەنها لە پەنجەرەزەوە سەیری دەرەوە بكە و وەڵامەكە وەربگرە، ئەوە راستە! سروشت گەورەترین هونەرمەندی جیهانی لەهەموو سەردەمەكان دروستكردووە! لەسەرەتای دروستكردنی ئەم ئامێرە: تیمی هواوی تێبینیەكانی تۆماردەكرد، سەبارەت بە رەنگی شەفەق هواوی لە شەفەقی بەستهەڵەكی باكوور وەریگرتووە .

هەڵسەنگاندنی سروشت مەشقی فەرمی پێویست نییە، چونكە توانای هواوی لە تێگەیشتنی جوانی سروشت خۆرسكە لە ناخمان، بەدرێژایی مێژوو سروشت سەرچاوەی ئیلهامی بەشێكی زۆری وێنەكێشە گەورەكانە بۆ ئەوەی تابلۆی بەنرخ وێنە بكێشن، وێنەكێشەكان لەسەردەمی ئیمپراتۆریەتی چینی هەستەكانیان لەسروشتەوە وەردەگرن و دەیخەنەسەر كاغەز بەپشتبەستن بە مەرەكەب و ئاو و فڵچە، وێنەی چیا بەرزەكان‌و گردەكان و رووبار دەكێشن، ئەم جۆرە هونەرە ئەمرۆ بەناوی ‌جو هوا‘ (guohua) ناسراوە و ئێستا رێزێكی گەورەی لێدەگیرێت .

لە رۆژئاوا، هونەرمەندە گەورەكان وەك كلۆد مۆنیە و ڤنسنت ڤان كۆخ دوورنەبوون لە سروشتەوە، مۆنیە پێوەرەكانی سەردەمی خۆی رەتكردەوە و بەشێوازی خۆی جوانی سروشتی گواستەوە و تێبینیەكانی لەسەر گۆڕانكاریەكانی رووناكی بۆ گوزارشتكردن لەو جوانیەی كە دەیبینی. ڤان كۆخ كە بەهرەمەندەیەكەی پێویست بە پێناسە ناكات نامەیەكی بۆ براكەی نووسی… ئەگەر خۆشەویستیم بۆ سروشت و كارەكەم لەدەستدا ئەوە بزانە ئەو كاتە لەوپەڕی دڵتەنگی دەبم . كاردانەوەی سروشت لەكارەكانی دەركەوت .
وەكو زۆربەی هونەرمەندان لە مێژوودا، جۆن سوە كیم بەڕێوەبەری بەشی دیزاین لە هواوی و تیمەكەی لە سروشتەوە بیرۆكەیان وەرگرتووە، لەدوای ماندووبونێكی زۆر توانیان رەنگێكی پلەداری بێ وێنە بەرهەم بهێنن، جون دەڵێ: دیزاینەرانی هواوی تەنها دیزاینەری لێهاتوو نین بەڵكو خەونی بێ هاوتایان هەیە ، ئێمە وەك دیزاینەر بیرۆكەكان لە هەموو شوێنێك وەردەگرین، وەك خەونیش ئێمە ناچارین بگەینە بیرۆكەیەك كەبەبیری بەكارهێنەرانمان دانەهاتبێت، رەنگی توایلایت نمونەیەكی زیندووە .

ئەم پێكهاتە رەنگیە لە جوانی شەفەقەوە وەرگیراوە، پلەداری رەنگەكان كەمكراوەتەوە بۆ ئەوەی لەگەڵ قەبارەی مۆبایلەكە بگونجێت لەناو دەستدا .
هواوی چەندین نمونەی دروستكرد تا ئەو كاتەی سەركەوت لەگەیشت بۆ ئەم كاریگەریە رەنگیە بێ وێنەیە، لە كۆتاییدا هواوی رەنگێكی نەگەیەنەری بەتكەنەلۆژیای تەفلیز(NCVM) بۆ ئەوەی كاریگەری سروشتی شەفەق لە پشتەوەی مۆبایل بەدیار دەكەوێ‌ .

بەم دواییە مۆبایل HUAWEI P20 Proخەڵاتی باشترین مۆبایلی لەساڵی 2018 لەئاهەنگی ئامیرە ئەوروپیەكانی 2018 وەرگرت، ئەم خەڵاتە دەدرێتە باشترن بەرهەمەكانی بازارەكانی ئەوروپا بەپشتبەستن نووسەری بەئەزموونی لەسەرتاسەری جیهان، ئەم خەڵاتە وا لە مۆبایلی HUAWEI P20 Pro دەكات پێشەنگی بازارەكان بێت.

مۆبایلی HUAWEI P20 Pro بەدەست دەكەوێت لە بازارەكانی عیراق بەنرخی 729 دۆلار بەرەنگەكانی رەش و شین و تویلایت .

ئۆتۆمبێل و تەکنەلۆژیا

فەیسبووک تایبەتمەندی نوێ زیاد دەکات بەمەش ئاستی سکیوریتی تۆڕەکە باشتر دەبێت

خەڵک
بەرپسانی پڕۆگرامی تۆڕی پەیوەندیی (ماسنجەری فەیسبووک)، تایبەتمەندییەکی نوێ و بەسوود بۆ پڕۆگرامەکەیان زیاد دەکەن. ماڵپەڕی (زە ڤێرج)ی تەکنۆلۆژیی ئەمریکی بڵاوی کردەوە، کە بەرپرسانی ماسنجەری فەیسبووک، لە داھاتوویەکی نزیکدا تایبەتمەندییەک بۆ پڕۆگرامەکەیان زیاد دەکەن، کە بەشێوەیەکی خۆکاری (ئۆتۆماتیکی)، ئەو نامانەی کە بۆ ھاککردن و ناردنی ڤایرۆس بەکار دێن، لە نامە ئاساییەکان جیایان دەکاتەوە و دەیانسڕێتەوە.

تا ئێستا ئەو تایبەتمەندییە لەسەر ماسنجەری فەیسبووک کارا نەکراوە، بەڵام ئاماژە بەوە کراوە، کە ئەگەری ھەیە لەگەڵ ھاتنی ڤێرژنی نوێی پڕۆگرامەکە، ئەو تایبەتمەندییەش زیاد بکرێت. پێشتر ھاکەران لە ڕێگەی ماسنجەری فەیسبووکەوە، نامەی ساختەیان بۆ بەکارھێنەرانی ئەو پڕۆگرامە دەنارد، کە نامەکان یان بۆ ھاککردن، یان بۆ ناردنی ڤایرۆس بوون. پڕۆگرامی ماسنجەری فەیسبووک، لە ساڵی 2011دا کارا کرا، ئێستاش بەکارھێنەرێکی زۆری لە سەرانسەری جیھاندا ھەیە، کۆمپانیای (فەیسبووک)ی ئەمریکی خاوەنیەتی، ھەروەھا بە یەکێک لە باشترین پڕۆگرامەکانی تۆڕی پەیوەندی دادەنرێت.
سەرچاوە:کاروان ئای تی.

Image result for messenger

Image result for messenger security

بەردەوام بە لە خوێندنەوە

ئۆتۆمبێل و تەکنەلۆژیا

ھەندێک دەستەواژەی کورتکراوە لە جیھانی ئۆتۆمبێلەوە

خەڵک-

زۆرێك لە ئێمە لە كاتی خوێندنەوەی هەواڵی تایبەت بە ئۆتۆمبێل یان زانینی تایبەتمەندییەكانی ئۆتۆمبێلێك، هەندێك دەستەواژە دەبینین كە لێیان تێناگەین.

دیارە هەرە ئۆتۆمبێلیك كۆمەڵێك تایبەتمەندی خۆی هەیە، لە رووی سیستمی كارپێكردن و قەبارەی بزوێنەر و هی تریشەوە، ئەو تایبەتمەندێتیانەش زۆركات بە شێوەی هێما ئاماژەیان پێدەكرێت، لێرەدا چەند هێمایەك لەوانە روون دەكەینەوە:

– (*) ئەم هیمایە، مانی ئەوەیە خێرایی ئەو ئۆتۆمبێلە بە شێوەی ئەلیكترۆنی لەوەندە كیلۆمەتردا داخراوە، بۆ نمونە: 180* كیلۆمەتر/سەعات.

– (2.5SC)  واتە، بزوێنەرێكی قەبارە (2.5) یان هەر ژمارەیەكی تر، بە هەواكێشی ئاسایی.

– (2.5TC) واتە، بزوێنەرێكی قەبارە (2.5) یان هەر ژمارەیەكی تر، بە هەواكێشی توربۆ.

– (2.5D) واتە، بزوێنەرێكی قەبارە (2.5)ـی دیزڵ (گاز).

– (2.5TDI) واتە، بزوێنەرێكی قەبارە (2.5)ـی دیزڵ (گاز)، لەگەڵ توربۆ.

– (l4) واتە، بزوێنەرێكی (4) بستۆن كە بە شێوەی ئاسۆیی بستۆنەكانی دانراوە.

– (l6) واتە، بزوێنەرێكی (6) بستۆن كە بە شێوەی ئاسۆیی بستۆنەكانی دانراوە. (نمونەی بزوێنەرە پێشووەكانی كۆمپانیای تۆیۆتا)

– (V6) واتە، بزوێنەرێكی (6) بستۆن یان هەر ژمارەیەكی تر، كە بستۆنەكانی بە شێوەی پیتی (V) دانراوە، لەم سیستمەدا كە زۆرینەی بزوێنەرە نوێیەكانی لەسەر بنیاد نراوە، هێزێكی زیاترمان بە بڕێكی كەمتر لە سوتەمەنی دەستدەكەوێت.

– (FWD)، كورتكراوەی (Front Wheel Drive)ـە، واتە ئەو ئۆتۆمبێلە هێزی بزوێنەرەكەی دەدات بە تایەكانی پێشەوە، بۆ ئەوەش تەنها تەماشەیەكی بزوێنەرەكە دەری دەخات، ئەگەر بزوێنەرەكە لە باری پانی ئۆتۆمبێلەكە دانرابوو، ئەوا (FWD)ـە.

– (RWD)، كورتكراوەی (Rear Wheel Drive)ـە، واتە ئەو ئۆتۆمبێلە هێزی بزوێنەرەكەی دەدات بە تایەكانی دواوە، ئەگەر بزوێنەرەكە لە باری درێژی ئۆتۆمبێلەكە دانرابوو، ئەوا (RWD)ـە.

– (AWD)، كورتكراوەی (All Wheel Drive)ـە، واتە ئەو ئۆتۆمبێلە هێزی بزوێنەرەكەی بە شێوەی ئۆتۆماتیك و بە سیستمێكی كۆمپیوتەری، دابەش دەكات بەسەر هەر چوار تەگەرەكەدا بە شێوەی هەمیشەیی.

– (4WD)، كورتكراوەی (4 Wheel Drive)ـە، واتە ئەو ئۆتۆمبێلە هێزی بزوێنەرەكەی بە شێوەی دەستی یا ئۆتۆماتیكی كاتێك شۆفێر بیەوێت، دابەش دەكات بەسەر هەر چوار تەگەرەكەدا، لەم جۆرە ئۆتۆمبێلانەدا دەتوانرێت تەنها تەگەرەكانی دواوە بخرێنە كار، لە كاتی پێویستیشدا هەر چواریان.

– (5M) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی دەستییـ(Manual)ـە.

– (5A) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی ئۆتۆماتیكیـ(Auto)ـە.

– (5AM) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی دەستی و ئۆتۆماتیكیشە.

– (RPM)، كورتكراوەی (Round Per Minute)ـە، كە ئاماژەیە بۆ خولانەوەی فڕەكانی كرانك شەفتی بزوێنەرەكە لە یەك خولەكدا، لێرە پێی دەڵێن (پەستانی مەكینە).

– (ABC) كورتكراوەی (Active Body Control)ـە، واتە كۆنترۆڵی چالاكانەی بۆدی ئۆتۆمبێلەكە، ئەم تایبەتمەندێتییە لە ئۆتۆمبێلە گرانبەهاكاندا هەیە، كە لە پێچكردنەوەدا ناهێڵێت ئۆتۆمبێلەكە زۆر بكەوێتە سەر لا و بە رێكی دەیهێڵێتەوە.

– (ABS)، كورتكراوەی (Anti Lock Brake System)ـە، كە ناهێڵێت برێكی ئۆتۆمبێلەكە قوفڵ ببێت و بخلیسكێت، بەڵكو بە شێوەی راست و چەپ تەگەرەكان دەگرێت و بەری دەدات، تا ئۆتۆمبێلەكە بە هاوسەنگی بمێنێتەوە.

– (ESP)، كورتكراوەی (Electronic Stability Program)ـە، واتە جێگیرهێشتنەوە ئۆتۆمبێلەكە بە شیچوەی ئۆتۆماتیكی، ئەم تایبەتمەندێتییەش ناهێڵێت ئۆتۆمبێلەكان لە پێچەكاندا، یاود لەسەر جادە خلیسكەكان بخلیسكێن.

– (EBD)، كورتكراوەی (Electronic Brakeforce Distribution)ـە، كە بە شێوەی ئۆتۆماتیكی هێزی برێكەكە دابەشی هەر چوار تەگەرەكە دەكات، هەركام پێویستی بە زیاتر بوو زیاتر دەیگرێت و كامیان پێویستی بە كەمتر بوو، كەمتر دەیگرێت، ئەوەش لە كاتی برێكی توند و پێچدا ناهێڵێت ئۆتۆمبێلەكە بەملاولادا بچێت، هاوكاری سیستمی (ABS)ـە لە كاركردندا.

 

بەردەوام بە لە خوێندنەوە

ئۆتۆمبێل و تەکنەلۆژیا

فلاش چییە و كەی بەكاردەهێنرێت؟
ئایا سەرف بوونی بەنزین لە ئۆتۆمبێلەكەت كەم دەكاتەوە؟

خەڵك- ئۆتۆمبێل
زۆرجار شۆفێران بۆ پاككردنەوەی بزوێنەری ئۆتۆمبێلەكانیان پەنا دەبەنە بەر بەكارهێنانی فلاش، بەڵام بۆ ئەوەی بزانین فلاش چییە؟ شۆفێران دەپرسن، ئایا بەكارهێنانی بۆ بزوێنەر باشە یان خراپ؟ ئایا سەرف بوونی بەنزین كەم دەكاتەوە؟ جیاوازی چییە بۆ بزوێنەری ئۆتۆمبێلی نوێ یان كۆن؟

دانا كریم، ماستەر لە ئەندازیاری میكانیك دەڵێت: “فلاش بریتییە لەمادەیەكی كیمیایی تایبەت بەكاردەهێنرێت بۆ پاككردنەوەی ئەو پاشماوانەی لەناو بزوێنەر درروست دەبێت و چەند جۆرێكی هەیە، كە بەكاردێت بۆ پاككردنەوەی ڕێڕەوی هەواو بەنزین و پاشەڕۆی ڕۆن‌”.

ئەو ئەندازیاری میكانیكە لێرەدا باسی ئەو جۆرەیان دەكات، كە تایبەتە بە پاككەرەوەی ڕۆن لەئەنجامی مانەوەی پاشەڕۆی ڕۆن و لكانی بە دیواری بزوێنەر.

دەشڵێت: “شێوازی بەكارهێنانی بەم جۆرەیە بە پێی جۆرەكەی لە 5 خولەكەوە بۆ 15 خولەك دەكرێتە ناو بزوێنەرەوە و دەبێت بزوێنەر لەكاردابێت پاشان ڕۆنی بزوێنەر دەگۆڕێت و هەروەها فلتەریش دەگۆڕیت”.

دانا كەریم ئاماژەی بەوەكردووە، لەكاتی كاركردن بۆ ماوەیەكی زۆر ڕۆنی سووتاو یان چڕبووە لەناو كێسی ڕۆن و دیواری بزوێنەر درووست دەبێت لە ئەنجامی ڕۆشتنی تۆز و خۆڵ بۆ ناو بزوێنەر لەكاتی ڕۆن گۆڕین یان تەواو گەرم نەبوونی ڕۆن لە ئەنجامی سەفەری كورت، كە ڕۆن ناگاتە پلەی گەرمی تەواو یان گۆڕانی كیمیای دێت بەسەر ڕۆندا ئەمەش لەكاتی بەكارهێنانی ڕۆنی كوالیتی نزم هەروەها كۆن بوونی بزوێنەر، كە بۆماوەی چەندین ساڵ كاردەكات، ئەمەش كاریگەری لەسەر توانای بزوێنەر هەیە و دەبێتە هۆی گیرانی لولەكانی ڕۆن و گیربونی جوڵەی پارچە جوڵاوەكان و دابەزینی توانای بزوێنەر و زۆر بەنزین سەرفكردن و قوورس بوونی ڕۆشتن.

جەختیشی كردۆتەوە، بەكارهێنانی فلاشی كوالیتی بەرز دەبێتە هۆی پاكبونەوەی بزوێنەر، ئەمەش بزوێنەر دەگێڕێتەوە بۆ ئاستی تازە بوونەوە، كە بەتوانای تەواوی خۆی كاربكاتەوە، بەڵام بۆ ئەو بزوێنەرانەی، كە زۆر كۆن بوون لابردنی نیشتووی سەر دیوارەكان لەوانەیە ببێتە هۆی بەر بوونی كونێك یان لێچوونی ڕۆن لە درزی درووست بوو لەبەرئەوە بەكارهێنانی بۆ بزوێنەری كۆن بە گونجاو دانانرێت.

دانا كریم، ماستەر لە ئەندازیاری میكانیك دەشڵێت: “ئەگەر هاتوو ڕێژەی پیسی بزوێنەر زۆر بوو ئەوە لەپاش بەكارهێنانی فلاش لەوانەیە فلتەری پاڵێوەر لەناو كێس بگیرێت یان دەبێتە هۆی كێشە بۆ ئۆیل پەمپ، كە ئەمەش وات لێدەكات، كە كێسی بزوێنەر بكەیتەوە بۆ پاككردنەوەی فلتەرەكە یان ئۆیل پەمپەكە، بەڵام ئەم حاڵەتە لە هەموو ئۆتۆمبێلێك ڕوو نادات، بەڵكو بە حاڵەتێكی كەم دادەنرێت”.

ڕوونیشی كردۆتەوە، باشترە فلاش كەم بەكاربهێنرێت لەبەرئەوەی‌ فلاش مادەیەكی كیمیایی بەهێزە و لەوانەیە كاریگەری بۆ دیواری بزوێنەر هەبێت.

بەردەوام بە لە خوێندنەوە
ریکلام

کوردستان

دوایین