ئێمە لە تۆرە کۆمەڵایەتیەکان
ریکلام

ئۆتۆمبێل و تەکنەلۆژیا

چۆن رەنگی جوانی پلەدار لە مۆبایلی HUAWEI P20 Pro بەدیاركەوت

زنجیرە مۆبایلەكانی P Series لەهواوی بە وێنەگرتنی فۆتۆگرافی ناوازە ناسراوە، مۆبایلی HUAWEI P20 Series هەمان تایبەتمەندی هەیە، مۆیابلی HUAWEI P20 Pro لەپلەی 109 پۆلینكراوە بەپێی ماڵپەڕی DxOMark كە بەرزترین پلەی پۆلینكردنە كە مۆبایلێك وەریگرتبێت، ئەو مۆبایلە كامێرایەكی سیانە لە لایكا لەخۆدەگرێت بۆ یەكەمجار لەسەر ئاستی جیهان.

مۆبایلی HUAWEI P20 Pro تایبەتمەندییەكی دیكە لەخۆدەگرێت كە جێگای بایەخی رۆژنامەنووسانەو سەرنجی بەكارهێنەران بۆخۆی رادەكێشێت .

ئێمە باس لە پێكهاتەی رەنگەكانی (توایلایت)ی پلەدار دەكەین!! ئەوەش تەنها لە HUAWEI P20 Pro بەدەست دەكەوێت، ئەو رەنگە جوانە بۆتە بابەتی قسەكانی نێوان هەوادارانی مۆبایل لەگەڵ وەشاندنی بۆ جاری یەكەم .

ئەو پێكهاتە رەنگیەی نێوان رەنگی مۆر بۆ شین، دواتر بۆ رەنگی شینی زەق بۆ سەوز – بەهەمان پلەداری فیزیایی رەنگەكان-، بەخێرایی ئامێرەكانی رەنگی (توایتلایت) لەوڵاتی چین فرۆشرا كە ئەوە ئاماژەیەكە بۆ جەماوری ئەو ئامێرە لە نێو بەكارهێنەراندا.
چی لەهواوی كرد ئەم پێكهاتە رەنگیە بێ وێنەیە بدۆزێتەوە؟ تەنها لە پەنجەرەزەوە سەیری دەرەوە بكە و وەڵامەكە وەربگرە، ئەوە راستە! سروشت گەورەترین هونەرمەندی جیهانی لەهەموو سەردەمەكان دروستكردووە! لەسەرەتای دروستكردنی ئەم ئامێرە: تیمی هواوی تێبینیەكانی تۆماردەكرد، سەبارەت بە رەنگی شەفەق هواوی لە شەفەقی بەستهەڵەكی باكوور وەریگرتووە .

هەڵسەنگاندنی سروشت مەشقی فەرمی پێویست نییە، چونكە توانای هواوی لە تێگەیشتنی جوانی سروشت خۆرسكە لە ناخمان، بەدرێژایی مێژوو سروشت سەرچاوەی ئیلهامی بەشێكی زۆری وێنەكێشە گەورەكانە بۆ ئەوەی تابلۆی بەنرخ وێنە بكێشن، وێنەكێشەكان لەسەردەمی ئیمپراتۆریەتی چینی هەستەكانیان لەسروشتەوە وەردەگرن و دەیخەنەسەر كاغەز بەپشتبەستن بە مەرەكەب و ئاو و فڵچە، وێنەی چیا بەرزەكان‌و گردەكان و رووبار دەكێشن، ئەم جۆرە هونەرە ئەمرۆ بەناوی ‌جو هوا‘ (guohua) ناسراوە و ئێستا رێزێكی گەورەی لێدەگیرێت .

لە رۆژئاوا، هونەرمەندە گەورەكان وەك كلۆد مۆنیە و ڤنسنت ڤان كۆخ دوورنەبوون لە سروشتەوە، مۆنیە پێوەرەكانی سەردەمی خۆی رەتكردەوە و بەشێوازی خۆی جوانی سروشتی گواستەوە و تێبینیەكانی لەسەر گۆڕانكاریەكانی رووناكی بۆ گوزارشتكردن لەو جوانیەی كە دەیبینی. ڤان كۆخ كە بەهرەمەندەیەكەی پێویست بە پێناسە ناكات نامەیەكی بۆ براكەی نووسی… ئەگەر خۆشەویستیم بۆ سروشت و كارەكەم لەدەستدا ئەوە بزانە ئەو كاتە لەوپەڕی دڵتەنگی دەبم . كاردانەوەی سروشت لەكارەكانی دەركەوت .
وەكو زۆربەی هونەرمەندان لە مێژوودا، جۆن سوە كیم بەڕێوەبەری بەشی دیزاین لە هواوی و تیمەكەی لە سروشتەوە بیرۆكەیان وەرگرتووە، لەدوای ماندووبونێكی زۆر توانیان رەنگێكی پلەداری بێ وێنە بەرهەم بهێنن، جون دەڵێ: دیزاینەرانی هواوی تەنها دیزاینەری لێهاتوو نین بەڵكو خەونی بێ هاوتایان هەیە ، ئێمە وەك دیزاینەر بیرۆكەكان لە هەموو شوێنێك وەردەگرین، وەك خەونیش ئێمە ناچارین بگەینە بیرۆكەیەك كەبەبیری بەكارهێنەرانمان دانەهاتبێت، رەنگی توایلایت نمونەیەكی زیندووە .

ئەم پێكهاتە رەنگیە لە جوانی شەفەقەوە وەرگیراوە، پلەداری رەنگەكان كەمكراوەتەوە بۆ ئەوەی لەگەڵ قەبارەی مۆبایلەكە بگونجێت لەناو دەستدا .
هواوی چەندین نمونەی دروستكرد تا ئەو كاتەی سەركەوت لەگەیشت بۆ ئەم كاریگەریە رەنگیە بێ وێنەیە، لە كۆتاییدا هواوی رەنگێكی نەگەیەنەری بەتكەنەلۆژیای تەفلیز(NCVM) بۆ ئەوەی كاریگەری سروشتی شەفەق لە پشتەوەی مۆبایل بەدیار دەكەوێ‌ .

بەم دواییە مۆبایل HUAWEI P20 Proخەڵاتی باشترین مۆبایلی لەساڵی 2018 لەئاهەنگی ئامیرە ئەوروپیەكانی 2018 وەرگرت، ئەم خەڵاتە دەدرێتە باشترن بەرهەمەكانی بازارەكانی ئەوروپا بەپشتبەستن نووسەری بەئەزموونی لەسەرتاسەری جیهان، ئەم خەڵاتە وا لە مۆبایلی HUAWEI P20 Pro دەكات پێشەنگی بازارەكان بێت.

مۆبایلی HUAWEI P20 Pro بەدەست دەكەوێت لە بازارەكانی عیراق بەنرخی 729 دۆلار بەرەنگەكانی رەش و شین و تویلایت .

ئۆتۆمبێل و تەکنەلۆژیا

٨ هاکی ئۆتۆمبێل کەمترین شۆفێر زانیاری لە بارەیەوە هەیە

خێزان
ئۆتۆمبێلەکانیش هەروەک شتەکانی دیکە تەکنیک و ئەتەکێتی خۆی هەیە. ئەمانەی خوارەوە کۆمەڵێک ڕێنمایی گرنگ بۆ شۆفێران.

دەتوانیت بە ماسیحەی بچووک و کەمێک تەڕکردنی ئەو شوێنانە خاوێن بکەیتەوە کە مووی ئاژەڵی ماڵی پێوەیە.

بۆ ئەوەی شوێنی پەرداخی ئۆتۆمبێلەکەت پاک بێت پەرداخی سەفەری تێ بکە تاوەکوو پیسییەکەی پەرداخەکان بڵاو نەبێتەوە.

ئەگەر شوشەی پێشەوەی سەیارەکەت کەمێکی شکاوە پۆڵیشی بۆیەی نینۆکی لێبدە هەتاوەکوو چارەسەری دەکەیت.

بۆ ئەوەی لە زستاندا شوشەی ئۆتۆمبێلەکەت زیانی پێنەگات بەهۆی ئاوێنە پاککەرەوەکانەوە کاتێک ئۆتۆمبێلەکەتت کوژاندەوە بەرزیان بکەرەوە.

ئەگەر لە دواتردا کارێکی گرنگت هەبوو نابێت پەلە بکەیت و تایەکان ڕویان لەلایەکی تر بێت چوونکە ئەم حاڵەتە چەندین ڕوداوی نەخوازراوی لێکەوتووەتەوە.

شوفێرەکانی بارهەڵگر شارەزاترینی ڕێگەکانن جگە لەوەی نابێت زۆر لە دوایان بمێنیتەوە لە حاڵەتێکدا ئەگەر ئۆتۆمبێلەکەیان خاو کردەوە تۆش دەبێت وا بکەیت چوونکە ئەوان هەتا دوورییەکی زیاتر دەبینن و پێویست بە پەلە کردن ناکات.

بۆ ئەوەی وا دەربکەوێت ئۆتۆمبێلەکەت پۆڵیش کراوە و ڕەونەقێکی زیاتری هەبێت، ئەوا بە ڕون و پەڕۆ پاکی بکەوە و جوانتر دەبێت.

ئەگەر بیرت نەهاتەوە دەرگای دەرگای ئۆتۆمبێلەکەت داخستووە یان نا، ئەوا سویچەکە نزیک بکەوە لە مێشکت خۆکارانە بیرت دەکەوێتەوە دەرگاکەیت داخستووە یان نا.

بەردەوام بە لە خوێندنەوە

ئۆتۆمبێل و تەکنەلۆژیا

5 تایبەتمەندی لە زنجیرەی HUAWEI nova 3 بۆ دابینكردنی سێلفی ئەستێرەكان پاڵپشت بە زیرەكی دەستكرد

لەگەڵ گۆڕانكاری لەشێوازی ژیانی نەوەی هەزارەی سێیەم ، وێنەكانی سێلفی بۆتە بەشێكی سەرەكی لەژیانی خەڵكدا ، بەكارهێنەرانی تازە ئامادەن بۆ پێشوازی لە داهێنانی تازەی كۆمپانیاكانی مۆبایل بۆ زامنكردنی باشترین وێنەی سێلفی ، لەم روانگەوە نەوەی سێیەمی لە مۆبایلەكانی هواوی وەك زنجیرەی HUAWEI nova 3 پاڵپشت بە زیرەكی دەستكرد موژدە دەدات بە دابینكردنی وێنەی جوان بەرەنگی نمونەیی و كراوە لەگەڵ وەرگرتنی وردەكاری دیمەنی دەوروبەری وێنەكە .

5 تایبەتمەندی داهێنەر كەوا لەمۆبایلی HUAWEI nova 3 دەكات پێویست بێت بۆ هەوادارانی وێنەی سێلفی :
زنجیرەی HUAWEI nova 3 دەبل كامیرای پێشەوەی هەیە (24 و 2 میگاپیكسل) بەزیرەكی دەستكردەوە
زنجیرەی HUAWEI nova 3 بەوە جیادەكرێتەوە كە دوو كامیرای پێشەوەی هەیە پاڵپشت بە زیرەكی دەستكرد بەكوالیتی (24 و 2 میگاپیكسل) كەزامنی گرتنی جوانترین وێنەی سێلفیە ، بەهۆی زیرەكی دەستكردەوە لەیەكەم هەوڵدا وێنەیەكی سێلفی نمونەیی مسۆگەر دەكەیت بەهۆی گرتنی هەموو وردەكاریەكانی رووخسار و دیمەنەكانی دەوروبەر ، هەروەها فرەوانی زوومی كامیرای پێشەوە كە هەستیاری رەنگەكانی بە كوالیتی 2 میگاپیكسلە دەبێتە هۆكاری دابینكردنی كاریگەریەكانی بۆكێیەكی پیشەگەرانە و پاریزگاریكردن لە زانیاریەكان و وردەكاری تایبەت بە ناوەڕۆكی وێنەكە .

تایبەتمەندی ناسینەوەی دیمەنكان لە HUAWEI nova 3 پاڵپشت بە زیرەكی دەستكرد
بەدرێژایی ساڵانی رابردوو كامیرای مۆبایلەكان جەختی لەسەر رووخساری كەسەكان دەكردەوە لەگەڵ كەمێك بایەخدان بەوردەكاری و جیاوازی نێوان روخسار و لەشی كەسەكە و باگراوندی دیمەنەكە . بۆ چارسەركردنی ئەم كێشەیە هواوی تایبەتمەندی ناسینەوەی دیمەنەكانی پاڵپشت بە زیرەكی دەستكردەوە خستە ناو هەردوو مۆبایلی HUAWEI nova 3 و HUAWEI nova 3i كە رێگا بەهەردوو مۆبایل دەدات ئاشنای زیاتر لە 200 سیناریۆ بێت لە 8 جۆردا : ئاسمانی شین و كەنارەكان و رووەك و شەو و نمایش و گوڵ و ژوور و شوێنە داخراوەكان و بەفر . هەروەها بەشیوەیەكی راستەوخۆ وێنەكان چاكدەكرێتەوە ، زنجیرەی HUAWEI nova 3 هەموو وردەكاریەكان وەردەگرێت بۆ دابینكردنی باشترین دیمەن بە باشترین تایبەتمەندی چاككردنی رەنگەكان .

باشترین تایبەتمەندی بەزیرەكی دەستكرد بۆ جوانی سروشتی
بەشێك لە وێنەگرتنی ئاسایی ئەزموونی بەكارهێنەری جوان و تەواوی نیە ، ئەگەر گەڕانێك لەنێو تۆڕە كۆمەڵایەتیەكان بكەین هەندێك كەس بەئاسانی دەدۆزیتەوە كە لەوێنەكان چاویان زۆر زەقە یان رووخسارین درێژ یان پان بووە بەتایبەتی ئەو وێنانەی كە گۆڕانكاری زۆری لەسەر كراوە .
بەئامانجی تێگەیشتنی داواكاری بەكارهێنەران و ئاگاداربوون لەروانگەیان بۆ جوانی سروشتی ، هواوی راپرسییەكی بۆ وێنەی سێلفی لەنێو بەكارهێنەرانیدا ئەنجامدا بۆ ئەوەی سوودی لێوەربگرێت بۆ باشتركردنی داتاكانی بەهێزكردنی جوانی سروشتی ، هەربۆیە زنجیرەی HUAWEI nova 3 چوار كامیرای پاڵپشت بە تواناكانی زیرەكی دەستكرد لەخۆدەگرێت بە دووری 35 ملم تایبەت بە وێنەی سێلفی ، باشترین تەكنەلۆژیا دابین دەكات بۆ بەدەستهێنانی باشترین وێنە ، داتاكانی بەهێزكردنی جوانی سروشتی بە زیرەكی دەستكرد 7 رەنگی پلەدار بۆ پێست دابین دەكات ، كە بەكارهێنەر دەتوانێت باشترینیان هەڵبژێرێت بۆ وێنەی سێلفی و هەڵبژاردنی بنەماكانی جوانی سروشتی كەبەكارهێنەر پێی باشە .

دیمەنی پیشەگەرانە بە تەكنەلۆژیای HDR لە رووناكیەكی كەمدا
هەردەم رووناكی ئەگەر كەم بێت یان زۆر كێشەی بۆ وێنەگران دروستكردووە ، بەدرێژایی ماوەی رابردوو وێنەگران دەبوایە ئاگاداری بارودۆخی رووناكی بن ، تواناشیان سنوورداربوو بۆ چارەسەركردنی ئەم كێشەیە ، بۆ چارسەركردنی ئەم كێشەیە هواوی رێگاچارەی لە زنجیرەی HUAWEI nova 3 داناوە كەپشت بە بەرنامە و بەشەكان دەبەستێت ، كە رێگا دەدات چەند پێوەرێك وەربگریت و كاركردن بەزیرەكی لەسەر چاككردنی ئەو روناكیەی بۆ هەر پۆلێك لەیەكەكانی پیكسل ، ئەوەش دەبێتە هۆكاری وەرگرتنی دیمەنی ناوازە بە تەكەنەلۆژیای HDR.

توانای پێشەنگ بە زیرەكی دەستكرد بۆ چارسەركردنی وێنەكان
كامیرای مۆبایلەكانی پێشوو كێشەی هەبوو لە وەرگرتنی سەرجەم وردەكاریەكان ، بەڵام كامیراكانی HUAWEI nova 3 توانای شیكردنەوەی سیما و وردەكاریەكانی هەیە كەلێوار و گۆشەكانی وێنەكە دەگرێتەوە دواتر بەشێوەیەكی راستەخۆ ئەم پێوەرانە چاكدەكاتەوە بۆ بەرهەمهێنانی وێنەیەك كە وردەكاریەنی بەروونی دەردەخات .
زنجیرەی HUAWEI nova ویستی بەكارهێنەری گەنج بەهەند وەردەگرێت بەتایبەتی هەوادارانی وێنەی سێلفی ، ئەم مۆبایلانە چەندین بەرنامە لەخۆدەگرێت كە كار بۆئەوە دەكەن ئەزموونێكی نایاب و گونجاو پێشكەش بكەن ، بێگومان هەردوو مۆبایلی HUAWEI nova 3 و HUAWEI nova 3i هەموو داواكاریەكانی بەكارهێنەر جێبەجێ دەكەن كە لەدوای مۆبایلێك دەگەڕن بۆ ئەنجامدانی كارەكانیان یان چێژ وەرگرتن لەیاریكردن .

بەردەوام بە لە خوێندنەوە

ئۆتۆمبێل و تەکنەلۆژیا

کۆمپانیای SSC دەیەوێت بەربەستی خێرایی ٥٠٠ کیلۆمەتر/کاتژمێر ببڕێت

خەڵک-

كۆمپانیای SSC كه‌ ناوه‌كه‌ی له‌ (Shelby Super Cars) ــەوە هاتووه‌ ساڵی 1998 دامه‌زراوه‌ و ساڵی 2004 یه‌كه‌م ئۆتۆمبێلی توانا به‌رزی خۆی به‌رهه‌مهێنا و دوای چه‌ند ساڵێك و ده‌ستكاریكردن و تیون كردنی ئۆتۆمبێله‌كه،‌ له‌ ساڵی 2007 ئۆتۆمبێله‌كه‌ كه‌ به‌ناوی Ultimate Aero بوو به‌ خێراترین ئۆتۆمبێلی جیهان و توانی بگات به‌ خێرایی 412 کیلۆمەتر/کاتژمێر.

به‌ر له‌ چه‌ند ساڵێك كۆمپانیایه‌كه‌ ئۆتۆمبێلێكی تری تاقیكاری واتا Concept نمایش كرد و هه‌ر ئه‌وكات ئاشكرابوو كه‌ ئه‌وان ده‌یانه‌وێت دیسان نازناوه‌كه‌ وه‌ربگرنه‌وه‌ و بۆ ئه‌م مه‌به‌سته‌ش كۆمپانیایه‌كه‌ به‌ر له‌ چه‌ند رۆژێك مۆدێلێكی نوێی نمایش كر به‌ ناوی SSC Tuatara و به‌ وته‌ی دیزاینه‌ره‌كانی ده‌بێت به‌ خێراترین ئۆتۆمبێلی جیهان .

ئۆتۆمبێله‌ نوێیه‌كه‌ واتا SSC Tuatara بزوێنه‌رێكی V8 ـی قەبارە 5.9 توین توربۆ چارج به‌كار ده‌هێنێت كه‌ توانای هه‌یه‌ هێزی 1350 HP به‌به‌كارهێنانی به‌نزینی ئۆكتان 92 و هێزی  1750 HP به‌ به‌كارهێنانی سووته‌مه‌نی جۆری E85 به‌رهەم بهێنێت.

بێگومان سوته‌مه‌نی جۆری E85 جۆرێكی تایبه‌تی سووته‌مه‌نیه‌ كه‌ بۆ ئۆتۆمبێله‌كانی پێشبركێ و ئۆتۆمبێله‌ توانا به‌رزه‌كان به‌كار ده‌هێنرێت و پێكهاته‌ی ئیثانۆڵی تیادا به‌كار ده‌هێنرێت بۆ كه‌مكردنه‌وه‌ی چانسی سووتانی نادرووست كه‌ لای خۆمان پێی ده‌گوترێت لێدانی بزوێنه‌ر یان لێدانی دیلکۆ.

زانیارییەکی تر كه‌ كۆمپانیایه‌كه‌ ئاشكرای كردووه‌ و جێگای بایه‌خه،‌ هاوكۆلكه‌ی به‌رگری ئۆتۆمبێله‌كه‌یه‌ له‌ هه‌وادا (Ddrag Coefficient)، كه‌ به‌ پێی وته‌ی ئه‌وان بێت ته‌نها 0.279 ــه،‌ ئه‌مه‌ له‌ كاتێكدا كه‌ ئه‌و ئۆتۆمێلانه‌ی ئێستا خێراترینن له‌ جیهاندا هاوكۆڵكه‌كه‌یان به‌مشێوه‌یه‌یه‌ (Bugatti Chiron 0.36) و (Koenigsegg Agera 0.33).

به‌ واتایێكی تر شێوه‌ی ئۆتۆمێله‌كه‌ ئه‌یرۆداینامیكتره‌ و له‌ خێراییه‌ به‌رزه‌كاندا كه‌مترین به‌رگری هه‌وا دروستده‌بێت له‌سه‌ر بۆدیه‌كه‌ی‌ به‌راورد به‌ دوو ئۆتۆمبێله‌كه‌ی تر، ئه‌م جیاوازییه‌ كه‌مه‌ش له‌وانه‌یه‌ ببێته‌ هۆی كه‌مكردنه‌وه‌ی سه‌دان کیلۆگرام به‌رگری هه‌وا له‌ خێراییه‌كانی سه‌رووی 400 کیلۆمەتر/کاتژمێر.

له‌ ئێستادا خێراترین ئۆتۆمبێلی جیهان Koenigsegg Agera RS ــە كه‌ توانیویه‌تی به‌ تێكڕا بگات به‌ خێرایی 447.19 کیلۆمەتر/کاتژمێر و له‌ ئێستادا فۆكه‌سی هه‌موو كۆمپانیایه‌كان له‌سه‌ر شكاندنی ئه‌م ریكۆرده‌یه‌ و ئامانجی ئێستایان گه‌یشتنه‌ به‌ خێرایی سه‌رووی 500 کیلۆمەتر/کاتژمێر.

به‌داخه‌وه‌ هێشتان ئۆتۆمبێله‌كه‌ نرخه‌كه‌ بڵاو نه‌كراوه‌ته‌وه‌ و له‌وه‌ ده‌چێت هێشتان په‌ره‌پێدانی مابێت به‌ر له‌ خستنه‌ بازاڕی به‌ فه‌رمی و به‌ر له‌ هه‌وڵدانی بۆ تێكشكاندنی ریكۆردی جیهانی بۆ خێراترین ئۆتۆمبێلی به‌رهه‌مهێنراو.

Autokurdistan

بەردەوام بە لە خوێندنەوە
ریکلام

کوردستان

دوایین