ئێمە لە تۆرە کۆمەڵایەتیەکان

عێراق

پەرلەمانی عیراق كۆبوونەوەیەكی نائاسایی ساز دەكات

پەرلەمانی عیراق داوای كردوە، ئێوارەی ئەمڕۆ كۆبوونەوەیەكی نائاسایی سازبكرێت، مەبەست لەو كۆبوونەوەیەش تاوتوێكردنی دۆسێی “پێشێلكارییەكانی” هەڵبژاردنە. 

پەرلەمانی عیراق لە بەیاننامەیەكدا داوای سازكردنی كۆبوونەوەیەكی نائاسایی كردوە لە ئێوارەی شەممە 26ی ئایاری 2018، لەپێناو ئەو “پێشێلكاریانەی لە هەڵبژاردنەكاندا كراوە”، بەپێی زانیارییەكانی (تۆڕی میدیايی خەڵك)، هەندێك لە كوتلە سیاسیییەكان، كۆبوونەوەكەی ئەمڕۆی پەرلەمانی عیراق بە كۆبوونەوەیەكی چارەنوسساز دادەنێن.

پێشتر  سەرۆكایەتی پەرلەمانی عیراق لە بەیاننامەیەكیدا رایگەیاندبوو”لەسەر داواكاریی ژمارەیەك لە پەرلەمانتاران كە دەیانەوێت پێداگری لەسەر شەفافیەت و بێخەوشی كاری هەڵبژاردن بكرێتەوە، سەرۆكایەتی پەرلەمان داوا لە هەموو ئەندامەكانی دەكات، رۆژی شەممە كاتژمێر 4ی ئێوارە ئامادەی دانیشتنی نائاسایی پەرلەمان ببن”.

ئەمە لەكاتێكدا كە ژمارەیەك لە كوتلە سیاسییەكانی بەشدار لە پرۆسەی هەڵبژاردندا پێیانوایە هەڵبژاردنەكانی 12ی ئەم مانگە، كاری ساختەكاریی تێدا كراوە، بۆیە درەنجامەكان رەتدەكەنەوە و داواش دەكەن لەو بارەیەوە لێكۆڵینە بكرێت لەگەڵ كۆمیسیۆنی باڵای سەربەخۆی هەڵبژاردنەكان لە عیراق.

لە 12ی ئایاری 2018، پرۆسەی دەنگدانی گشتی لە 19 پارێزگای عیراقدا بۆ هەڵبژاردنی پەرلەمانی ئەنجامدرا، لە هەڵبژاردنەكەشدا 7376 كاندید نوێنەرایەتی 320 حزب و ئیئتیلاف و لیستیان كرد و كێبڕكێیان بۆ دەستبەركردنی 328 كورسی پەرلەمانی داهاتووی عیراقدا كرد كە لێوەی سەرۆك وەزیران و سەرۆك كۆماریش هەڵدەبژێردرێت.

بەپێی دوایین درەنجامی هەڵبژاردەكانیش، ئیئتیلافی سائیرونی سەر بە رەوتی سەدر، بە كۆكردنەوەی 54 كورسی لە پلەی یەكەمدایە و هاوپەیمانی فەتحی سەر بە هادی عامری بە 48 كورسی لە پلەی دووەمدایە، ئیئتیلافی نەسری سەر بە حەیدەر عەبادیش بە 42 كورسی لە پلەی سێیەمی براوەكانی هەڵبژاردنە.

عێراق

بەڤیدیۆ: ئۆتۆمبێلێكی هێزە ئەمنییەكان خۆپیشاندەرانی عێراق دەكاتە ئامانج

خەڵك-بەشی هەواڵ

تۆمارێكی ڤیدیۆیی لە تۆڕە كۆمەڵایەتییەكان بڵاوكراوەتەوە كە تێیدا ئەوە نیشان دەدات كە ئۆتۆمبێلێكی هێزە ئەمنییەكانی عێراق هەوڵی ئەوە دەدات خۆپیشاندەران بكاتە ئامانج، ئەمەش لەكاتێكدایە كە بەپێی یاساكانی عێراق، پاراستن و سەلامەتی خۆپیشاندان چەسپێنراوە، بەڵام لە رۆژانی رابردوودا هێزە ئەمنییەكانی عێراق بە چەندین شێوە هێرشیان كردوەتەسەر خۆپیشاندەران، بەشێوەیەك چەندین خۆپیشاندەر كوژران و بە دەیانیتریش بریندار بوون.

سەبارەت بە هۆكاری ئەنجامدانی خۆپیشاندانەكانی عێراق، ماجید خەیات بەڕێوەبەری ناوەندی لێكۆڵینەوەو لێكۆڵینەوە میدیاییەكانی عێراق بە ماڵپەری (العربیە)ی راگەیاند، دوای نزیكەی شەش مانگ لە راگەیاندنی سەركەوتن بەسەر داعشدا كێشە ئابوورییەكان جارێكیتر بوونە كێشەی سەرەكی هاووڵاتیان، هەربۆیە خۆپیشاندان‌و ناڕەزایەتییەكان بۆ ئەو مەبەستە دەستی پێكرد بەتایبەت لەو ناوچانەی كە نەوتیان هەیە.

كلیك بكە بۆ بینینى تۆمارە ڤیدیۆییەكە.

بەردەوام بە لە خوێندنەوە

عێراق

بانگەشەی دەستپێكردنی شۆڕشی چەكداری لە عێراق گەرمە

خەڵك-بەشی هەواڵ

دەنگۆی دەستپێكردنی شۆڕشی چەكداری لە میدیا و تۆڕە كۆمەڵایەتییەكانی عێراقدا گەرمترین پرسە، هەرچەندە حكومەت سانسۆری زۆری خستوەتەسەر تۆڕەكان.

میدیاكانی عێراق لەزاری چەند سەرچاوەیەكەوە بڵاویانكردەوە، كە سبەینێ‌ خۆپیشاندانی چەكداری لە شارەكانی باشور و چەند شوێنێك لە ناوەڕاستی عێراق بۆ داواكردنی مافە سەرەتاییەكان بەڕێوەدەچێت.

چەند ماڵپەڕێك لەزاری سەرچاوەكانەوە ئەوەیان بڵاوكردۆتەوە، خۆپیشاندەران بە چەكەوە شوێنە گشتییەكان دادەخەن، بەڵام پارێزگاری لە شوێنە گشتییەكان دەكرێت و فەرمانگەكانی حكومەت ناگرێنە ئامانج.

جەزنەزر بەتیخ، ئەندامی ئەنجومەنی پارێزگای واست لە راگەیەندراوێكدا ئاماژەی بەوەكردووە، ئەو دەنگۆیانەی بڵاوكراونەتەوە دورن لە راستییەوە، بەڵكو ئەوەی هەیە سەرۆك هۆزەكان، چالاكان و خۆپیشاندەران داوای مافەكانیان دەكەن، نەك بە چەك رووبەڕووی حكومەت ببنەوە.

هەر لە راگەیەندراوەكەدا تەئكیدی كردۆتەوە، خۆپیشاندەران خۆیان لە رووبەڕبوونەوە لەگەڵ هێزە ئەمنییەكان دەپارێزن و هێرش ناكەنەسەر هیچ فەرمانگە و دامەزراوەیەكی نەوتی.

بڵاوبونەوەی ئەو دەنگۆیانە لەكاتێكدایە كە لەناوچەكانی ناوەڕاستی عێراق و بەتایبەتی لە شاری رومادییەوە پشتگیری خۆپیشاندانەكانی بەسرە و باشوری عێراق دەكرێت.

بەردەوام بە لە خوێندنەوە

عێراق

واشنتن پۆست: داعش بە خێرایی دەگەڕێتەوە بۆ عێراق

خەڵك- بەشی هەواڵ

رۆژنامەی واشنتن پۆست-ی ئەمریكایی ئەمڕۆ پێنج شەممە بڵاویكردەوە، رێكخراوی داعش هەوڵ دەدات لە ماوەی كەمتر لە ساڵێكدا سەرلەنوێ بگەڕێتەوە بۆ عێراق و ژمارەیەك كردەی تیرۆرستی جێبەجێدەكات.

رۆژنامەكە لە راپۆرتێكدا باسی لەوەكردووە، داعش كۆتایی پێنەهاتووە لە عێراق بە تەواوی و لێدوانەكەی دۆناڵد ترەمپ سەرۆكی ئەمریكا كە دەڵێت “سەركەوتنی ئێستا لە عێراق بەسەر داعشدا 98%ە” كۆتایی هاتنی داعشی رەتكردەوە بە تەواوی.

بەپێی رۆژنامەكە، رێكخراوی داعش خۆڕێكخستنەوەی لە عێراق سەرلەنوێ دەستپێكردووە سەرباری شكستە گەورەكانی رابردووی.

ئاماژەی بەوەشكردووە كە ئەم گەڕانەوە خێرایەی داعش دوای نەگرتنەبەری رێوشوێنی خێرا دێت بۆ ئاوەدانكردنەوەی ئەو شارانەی داعش چۆڵی كرد لەگەڵ گەمارۆنەدانی لە رووی ئەمنییەوە، كە كارئاسانی كرد بۆ دووبارە بڵاوبونەوەی شانەكانی لەو ناوچانەدا بۆ جارێكی دیكە.

بەردەوام بە لە خوێندنەوە
ریکلام

کوردستان

دوایین