ئێمە لە تۆرە کۆمەڵایەتیەکان

کوردستان

بەڤیدیۆ؛ كادرێكى یەكێتی یوسفی كردە كوڕی خۆی

خەڵك – بەشی هەواڵ
كادرێكى یەكێتی كوڕێكی بێلانە و بێ‌ كەسوكار لە شاری هەولێر دەكاتە كوڕی خۆی و دەڵێت: “كە گەیشتمە خزمەتی كاكە یوسف ئەو گەنجەی، كە بڕیارمدا بیكەمە كوڕی خۆم لەگەڵ بینینم و دەستكردنە ملی لە ناخەوە گریاندمی”.

دوای ئەوەی لە تۆڕە كۆمەڵایەتیەكان تۆمارێكی ڤیدیۆیی كوڕێكی بێلانە و بێ‌ كەسوكار بەناوی “یوسف” بڵاوكرایەوە، كە بە هۆی بێ جێگە و لانەوە، شەوانە لەناو پارك و سەر شەقامەكان ڕۆژ دەكاتەوە، حاكم سامان سەید عەتار، كادرى یەكێتی بڕیار دەدات (یوسف) بكات بەكوڕی خۆی و شوێن و خەرجی ژیانی دابین بكات.

لەو بارەیەوە حاكم سامان لە هەژماری تایبەتی خۆی لە فەیسبووك ڕایگەیاندووە، كە لە سلێمانیەوە گەیشتمە خزمەتی كاكە یوسف بۆ هەولێر ئەو گەنجەی، كە بڕیارمدا بیكەمە كۆڕی خۆم و یەكێك بێت لە خانەوادەكەم، لە گەڵ بینینم و دەستكردنە ملی لە ناخەوە گریاندمی وەكو ئەوەی، كە باوكی خۆی بینیبێتەوە دوای زەمەنیكی زۆر، منیش بەسوزی باوكی و كوڕی خۆم باوەشم پێداكرد و تێر تێر بۆنم كرد.

دەقی نووسینەكەی:
ئیستا لە سلیمانیەوە گەیشتمە خزمەتی كاكە یوسف بۆ ھەولیر ئەوگەنجەی كە بڕیارمدا بیكەمە كۆری خۆم و یەكیكبیت لە خانەوادەكەم ، لە گەڵ بینینم و دەستكردنەملی كاكە یوسف لە ناخەوە گریاندمی وەكو ئەوە كە باوكی خۆی بینیبیتەوە دوای زەمەنیكی زۆر منیش بەسوزی باوكی و كۆری خۆم باوەشم پیداكردو و تیر تیر بۆنم كرد.
تیبینی:
ئێستا كاكە یوسف لە وەزارەتی كار و كارو باری كۆمەڵایەتیە بەراستی جیگای دەست خۆشیو مرۆڤ دوستین داواكاری من ئەوە بۆ لەگەڵ خومدا بیھینمەوە بو ماڵی خۆم بەس ئەو بەرێزانەی لەم دەزگای چاودیریە كۆمەڵی حەقی یاسایان ھەبو وتیان دووسیی كەسیتی بۆ ئەكەینەوە ھەركات تەواوبوین بڕیار لەوە ئەدەین پیی خوشبیت بەبیت بەكۆری تۆ خومان بۆ سلیمانی ئەیھینین بۆ لای باوكی تازەی كە بەندەیە سوپاس بۆ خوا و بۆ دڵسوزی ئێوەی خوشەویست ئازیزانم نازانم بەج زمانیك سوپاس گوزارتان بم لە پای دوعاو گەورەی ئێوە كە بە كومینت و بە پەیوەندی كردنتان بۆ من گەورەتان كردم
براتان حاكم سامان سید عەتار

٢٠١٨/٦/٢٤

داواکارم ھەر بەرێزیک ژمارەی تەلەفونی ئەم کەسەم بۆ پەیدا بکات یان عینوانی ئەم کوڕە مەمنونی ئەبم و من ئەم کۆڕە ئەکەم بەکوڕی خۆم و ژیانی لەگەڵ من ئەبیت تا من بمینم سوپاستان ئەکەمداواکارم ھەمووتان شیری بکەن بەڵکو بۆم بدوزنەوە

Posted by ‎حاکم سامان سید عەتار‎ on Saturday, June 23, 2018

کوردستان

لە پێنجوێن ئەندامێكی كۆمەڵەی مافی مرۆڤی كوردستان كوژرا

خەڵك- بەشی هەواڵ

لەشاری پێنجوێنی باشوری كوردستان ئەندامێكی كۆمەڵەی مافی مرۆڤی كوردستان كوژرا.

كۆمەڵەی مافی مرۆڤی كوردستان لە راگەیەندراوێكدا كە وێنەیەكی بۆ (خەڵك) نێردراوە، ئاشكرای كرد “ئیقباڵ مورادی، چالاكی ناسراوی كورد، باوكی بەندكراوی سیاسی كورد مەحكوم بە سێدارە ” زانیار مرادی ” و ئەندامی ڕێوەبەری كۆمەڵەی مافی مرۆڤی كوردستان KMMK لەشاری پێنجوێن لە باشوری كوردستان بووە ئامانجی كردەوەی تیرۆریستی و لە ئاكامدا گیانی لەدەست دا”.

كۆمەڵەی مافی مرۆڤی كوردستان راشیگەیاندووە “تەرمی بێگیانی ئیقباڵ مورادی لە دەوری كاتژمێر ۲۳:۳۰ سێ شەممە لە نزیك چەمی پێنجوێن ناسراوەتەوە. بە پێی شاهێدان تەرمی كاك ئیقباڵ جێگای حەوت فیشەكی پێوە بینراوە”.

ئیقباڵ مورادیان چالاكی سیاسی پێشوو، چالاكی بواری مافی مرۆڤ و ئەندامی بەڕێوەبەری كۆمەڵەی مافی مرۆڤی كوردستان، باوكی بەندكراوی سیاسی مەحكوم بە سێدارە ” زانیار مورادی” و مامی ” لوقمان مورادی ” بەندكراوی دیكەی مەحكوم بە سێدارە بوو كە لە تەمەنی لاویەتیەوە لە شۆڕشی حزبە سیاسیەیكانی كوردستان بەشدار بوو و ژیانی خۆی لەسەر خزمەت بە داهاتی گەلی كورد بەخت كرد.

بەپێی راگەیەندراوەكە “ئیقباڵ مورادی پێشتر لە ساڵی ۱۳۸۷ لە نزیك شاری پێنجوێن كرایە ئامانجی كردەوی تیرۆریستی و باش بریندار بون و گەیاندنی بۆ نەخۆشخانە لە مردن رزگاری بوو”.

كۆمەڵەی مافی مرۆڤی كوردستان، سەرخۆشی و پەژارەی خۆی لەسەر تیرۆر و گیان لەدەستدانی ئەم چالاكە ناسراوەی كورد بۆ بنەماڵە و كۆمەڵگای كوردستان رادەگەیەنێت.

كۆمەڵەی مافی مرۆڤی كوردستان تیرۆری ئەم ئەندامەی خۆی بە توندی ئیدانە دەكات و داوا لە حكومەتی هەرێمی كوردستان دەكات بە زوترین كات دەست و پەیوەندییەكانی ئەم تاوانە بدۆزێتەوە و لە دادگەیەكی بەرابەردا موحاكمە بكرێن.

بەردەوام بە لە خوێندنەوە

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە
ریکلام

کوردستان

دوایین