ئێمە لە تۆرە کۆمەڵایەتیەکان
ریکلام

کوردستان

هاوپەیمانی: هەندێك لایەن ئامادەی یەك لیستی نین‌و ناشیانەوێ لە ڕای گشتیدا بوترێ فڵان حزب یەك لیستی ناوێ

خەڵك-بەشی هەواڵ

ئەندامێكی ئەنجومەنی بەڕێوەبردنی هاوپەیمانی رایدەگەیەنێت، هیشتا كات ماوەو ئەگەر ئیرادە هەبێت یەك لیستی ڕێگە ئاسانەكەیە بۆ گۆڕانكاری ئەگەر چی ڕێژەییش بێت.

ساختەكاری هەڵبژاردنەكانی عێراق شەش لایەنی سیاسی ناڕازی پێكەوە كۆكردەوەو لەو ساتەدا هەموان داوای یەك لیستییان دەكرد بۆ هەلبژاردنەكانی هەرێم، بەڵام تا ئێستا هیچ هەنگاوێك نەنراوە بۆ ئەو مەبەستە.

عوسمان گوڵپی ئەندامی ئەنجومەنی بەڕێوەبردنی هاوپەیمانی بۆ دیموكراسی‌و دادپەروری بە (خەڵك)ی راگەیاند، كاتێك داوای یەك لیستی دەكرێت، بەتەنیشتییەوە باسی یەك فراكسیۆنی دێتە ئاراوە، هەندێك هێز بە هەر بیانویەك بێت ئامادەی یەك لیستی‌و كۆكردنەوەی دەنگە ناڕازیەكان نین لە كاتێكدا دڵنیان یەك لیستی بە قازانجی خەڵك‌و خۆیان‌و زیانی دەسەڵاتە.

وتیشی، كاتێك ئامادەی یەك لیستی نین، ناشیانەوێ لە ڕای گشتیدا بوترێ فڵان حزب یەك لیستی ناوێ، ئیدی بەبیانووی نەبوونی كات‌و هەندێك پاساو ڕەتیدەكەنەوەو بە هاوڵاتیانیش دەڵێن یەك لیستیش نەبین دەتوانین یەك فراكسیۆن بین.

رونیشیكردەوە، هەموو هێزەكان دەزانن لە یاسای هەڵبژاردنی هەرێمدا لیستی براوەو یەكەمی هەڵبژاردن ڕادەسپێرێ بۆ پێكهێنانی حكومەت نەك ئەو لیستەی دوای هەڵبژاردن پێكدێت، ئەوانیتر هەر ئەبێ چاوەڕێبن لەدەرگاتان بدرێت بۆ پێكهێنانی حكومەت‌و نابنە لەدەرگادەر، كەواتە یەك لیستی سوودی گەورەی دەبێت لە كاتی پێكهێنانی حكومەتدا، بەڵام یەك فراكسیۆنی لە مومارەسەی كاری پەرلەمانیدا سودی دەبێت.

ئاماژەی بۆ ئەوەش كرد، هیچ كێشەی كات نییەو باسكردن لە یەك فراكسیۆنی لەباربردنی یەك لیستییە، لە كاتێكدا دنیایەك خاڵی هاوبەش لە نێواندا هەیەو خاڵە خیلافەكان بەپەنجەی دەست دەژمێرێن.

چەند رۆژێكی كەمی ماوە بۆ تۆماركردنی ناوی هاوپەیمانی نێوان لایەنەكان‌و تا ئێستاش جگە لە هاوپەیمانی سێ لایەن، شەش لایەنە ناڕازییەكە هیچ هاوپەیمانیەتییەكیان تۆمار نەكردووە.

کوردستان

مەلا بەشیر لەسەر ناوهێنانی كوردستان ڕونكردنەوەیەك بڵاودەكاتەوە

خەڵك- بەشی هەواڵ
نوسینگەی مەلا بەشیر حەداد، جێگری دووەمی سەرۆكی پەرلەمانی عیراق، لەسەر ناوهێنانی وشەی كوردستان لەگەڵ عیراق و كوەیتدا لە دوایین بەیاننامەی، ڕونكردنەوەیەك بڵاودەكاتەوە.

نوسینگەی جێگری دووەمی سەرۆكی پەرلەمانی عیراق لە بەیاننامەیەكدا ڕایگەیاندووە، “دەیەوێت ڕونكردنەوە بدات لەسەر ئاماژەكردن بە وشەی عیراق و كوەیت و هەرێمی كوردستان، كە بە هەڵە بووە”.

مەلا بەشیر لە ڕونكردنەوەكەدا دەڵێت، “وشە ڕاستەكە عیراق و كوەیت لە هەرێمی كوردستان تا بەسرەیە”.

ئەمڕۆ چوار شەممە، مەلا بەشیر حەداد، جێگری دووەمی سەرۆكی پەرلەمانی عیراق، لە بەیاننامەیەكدا ئاماژەی بە گرنگی پەیوەندییەكانی نێوان عیراق و كوەیت و كوردستان كردبوو، جەختیشی لەسەر پێویستی پەرەپێدانی ئەو بەرژەوەندییانە كردبۆوە، بەجۆرێك، كە خزمەت بە بەرژەوەندییە هاوبەشەكان بكات.

بەردەوام بە لە خوێندنەوە

کوردستان

مالكی پشتیوانی بۆ فوئاد حوسێنی كاندیدی پارتی راگەیاند

خەڵك- بەشی هەواڵ

نوری مالكی، سەرۆكی فراكسیۆنی دەوڵەتی یاسا و جێگری سەرۆك كۆماری عێراق رایگەیاند، ئامادەن پشتیوانی لە كاندیدی سەرۆكی پارتی دیموكراتی كوردستان بۆ سەرۆكایەتی كۆماری عێراق بكەن.

مالكی لە دوای كۆبونەوەی لەگەڵ وەفدی پارتی دیموكراتی كوردستان بە سەرۆكایەتی فوئاد حوسێن رایگەیاند، ئەوان لێكتێگەیشتی باشیان هەبووەو پشتیوانیشی بۆ فوئاد حوسێن دووپاتكردەوە.

وتیشی”هیواداربووین كە برایانی كورد تەنها یەك كاندیدیان هەبووایە”.

پشتیوانی مالكی بەفەرمی لە كاندیدەكەی پارتی دوای ئەوەدێت، هەریەك لە پارتی و یەكێتی بە دوو كاندیدی جیاواز ململانێی پۆستی سەرۆكایەتی كۆماری عێراق دەكەن.

بەردەوام بە لە خوێندنەوە

کوردستان

گۆڕان: یەكێتی و پارتی بۆ شەڕی پۆست لە بەغدان، ئێمە ئەوە ناكەین

خەڵك-بەشی هەواڵ

كاندیدێكی دەرچووی بزووتنەوەی گۆڕان بۆ پەرلەمانی عێراق ئاشكرایدەكات، تا ئێستا بایكۆتی كۆبونەوەكانمان كردووە، چونكە كۆبونەوەكان لەبەرژەوەندی هاووڵاتیان نین.

دوای پەسەندكردنی ئەنجامی هەڵبژاردنەكانی عێراق دوو كۆبونەوەی ئەنجومەنی نوێنەرانی عێراق ئەنجام دراون، بەڵام تا ئێستا ئەندامەكانی بزووتنەوەی گۆڕان بەشداری كۆبونەوەكانیان نەكردووە و بایكۆتیان كردووە.
غالب محەمەد كاندیدی دەرچووی گۆڕان بۆ پەرلەمانی عێراق بە (خەڵك)ی راگەیاند، كورد ئێستا بۆ پۆست رۆیشتووە بۆ بەغدا و بۆ خزمەتی خەڵك نەڕۆیشتووە، هەركات زانیمان بابەتێك هەیە لەسەر خەڵك ئەو كاتە قسەمان دەبێت و دەڕۆین.

وتیشی” بۆ پۆستی سەرۆك كۆمار و پۆستی وەزارەت ناڕۆین بۆ بەغدا، ئەوە كاری پارتی و یەكێتییە و با هەر ئەوان بڕۆن”.

سەبارەت بە دواكەوتنیان لە گۆڕەپانی سیاسی عێراق بەهۆی بەردەوامیدانیان بە بایكۆت ناوبراو ڕایگەیاند، سیاسەت بۆ ئەوەیە خزمەتی خەڵك بكەیت، ئەگەر ئێمە بچین بۆ پۆست پێموانییە بۆ خزمەتی خەڵك بێت، پارتی و یەكێتی دەنگی ئەو هەموو خەڵكەیان دزی و نوێنەرەكانی خۆیان ناردووە، لە بری ئەوەی باسی 17%ی بودجە و ناوچە جێناكۆكەكان بكەن، دەڵێن چ پۆستێكمان دەدەنێ و شەڕ لەسەر پۆستی سەرۆك كۆمار دەكەن.

رونیشیكردەوە، لای خەڵك گرنگ نییە كێ سەرۆك كۆمار بێت، ئەوە گرنگە كەی موچەكەی دەدرێتێ، لەبەر ئەوە كەی باسی موچەی خەڵك كرا، ئێمەش دەڕۆین بۆ بەغدا.

بەردەوام بە لە خوێندنەوە
ریکلام
ریکلام
ریکلام

کوردستان

دوایین