ئێمە لە تۆرە کۆمەڵایەتیەکان
ریکلام

کوردستان

كۆمسیۆن لەسەر ئەنجامدانی هەڵبژاردنەكانی هەرێم روونكردنەوە دەدات

خەڵك-بەشی هەواڵ

بڕیاردەری كۆمسیۆنی باڵای سەربەخۆی هەڵبژاردنەكان و راپرسی رایدەگەیەنێت، ئامادەكاریمان بۆ ئەنجامدانی هەڵبژاردنەكانی هەرێمی كوردستان كردووەو لەكاتی خۆیدا دەكرێت.

دەنگۆی دواخستنی هەڵبژاردنەكانی پەرلەمانی كوردستان لەلایەن لایەنەكانی كوردستانەوە بوونی هەیەو بەپێی زانیارییەكانیش یەكێتی داوای لە پارتی كردووە هەڵبژاردنەكان دوابخرێن.

ئیسماعیل خوڕماڵی بڕیاردەری كۆمسیۆنی باڵای سەربەخۆی هەڵبژاردنەكان‌و راپرسی بە (خەڵك)ی راگەیاند، هەڵبژاردنی پەرلەمانی كوردستان لەكاتی خۆیدا دەكرێت‌و كاتی بۆ دیاریكراوەو هیچ كێشەیەكەمان نییە.

سەبارەت بە دواخستنی هەڵبژاردنەكان وەك لە چەند مانگی رابردوو لەلایەن پەرلەمانی كوردستانەوە دواخرا، خورماڵی ئاشكرایكرد، جاری پێشوو بابەتێكی سیاسی بوو، ئەوەی پەیوەندی بە ئێمەوە هەیە ئامادەكاری بۆ دەكەین، بابەتی سیاسی پەیوەندی بە ئێمەوە نییە، حزبەكان‌و پەرلەمان چ بڕیارێك دەدەن پەیوەندی بە ئێمەوە نییە، ئێمە خۆمان ئامادەكردووەو هیچ كێشەیەكمان نییە.

سەبارەت بەو زیانانەی بەر كۆمسیۆن دەكەون لە ئەگەری دواخستنی هەڵبژاردنەكان ناوبراو رایگەیاند، ئێمە خەریكی ئامادەكارین‌و پارەمان خەرج كردووە بۆ مەوادو راهێنان، بەڵام ئەگەر پڕۆسەكەش دوابكەوێت بەكاری دەهێنینەوە‌و هیچ كێشەیەكەمان نییە.

پێشتر فازیل بەشارەتی ئەندامی سەركردایەتی پارتی دیموكراتی كوردستان بە (خەڵك)ی راگەیاند، یەكێتی داوای دواخستنی هەڵبژاردنەكانی كردووە كە لەگەڵ هەڵبژاردنەكانی ئەنجومەنی پارێزگاكان ئەنجام بدرێت.

لای خۆشییەوە سەلاحەدین محەمەد بەهائەدین ئەمینداری گشتی یەكگرتووی ئیسلامی كوردستان لە كۆنگرەیەكی رۆژنامەوانیدا ئاشكرایكرد، لەبەر بەرژەوەندی گشتی‌و هاووڵاتیانی كوردستان بەلامانەوە ئاساییە بۆ چەند مانگێك هەڵبژاردنەكان دوابخرێن، بەپێی زانیارییەكانیش بەهۆی ئەو سەرقاڵییەی لایەنەكان بۆ ئەنجامی هەڵبژاردنەكانی هەرێم هەیانە، بەشێكیان پێیان باشە هەڵبژاردنەكانی هەرێم دوابخرێن تاكو بتوانن زیاتر كار لەسەر بانگەشەو هەڵبژاردنەكانی هەرێم بكەن.

کوردستان

مەلا بەشیر لەسەر ناوهێنانی كوردستان ڕونكردنەوەیەك بڵاودەكاتەوە

خەڵك- بەشی هەواڵ
نوسینگەی مەلا بەشیر حەداد، جێگری دووەمی سەرۆكی پەرلەمانی عیراق، لەسەر ناوهێنانی وشەی كوردستان لەگەڵ عیراق و كوەیتدا لە دوایین بەیاننامەی، ڕونكردنەوەیەك بڵاودەكاتەوە.

نوسینگەی جێگری دووەمی سەرۆكی پەرلەمانی عیراق لە بەیاننامەیەكدا ڕایگەیاندووە، “دەیەوێت ڕونكردنەوە بدات لەسەر ئاماژەكردن بە وشەی عیراق و كوەیت و هەرێمی كوردستان، كە بە هەڵە بووە”.

مەلا بەشیر لە ڕونكردنەوەكەدا دەڵێت، “وشە ڕاستەكە عیراق و كوەیت لە هەرێمی كوردستان تا بەسرەیە”.

ئەمڕۆ چوار شەممە، مەلا بەشیر حەداد، جێگری دووەمی سەرۆكی پەرلەمانی عیراق، لە بەیاننامەیەكدا ئاماژەی بە گرنگی پەیوەندییەكانی نێوان عیراق و كوەیت و كوردستان كردبوو، جەختیشی لەسەر پێویستی پەرەپێدانی ئەو بەرژەوەندییانە كردبۆوە، بەجۆرێك، كە خزمەت بە بەرژەوەندییە هاوبەشەكان بكات.

بەردەوام بە لە خوێندنەوە

کوردستان

مالكی پشتیوانی بۆ فوئاد حوسێنی كاندیدی پارتی راگەیاند

خەڵك- بەشی هەواڵ

نوری مالكی، سەرۆكی فراكسیۆنی دەوڵەتی یاسا و جێگری سەرۆك كۆماری عێراق رایگەیاند، ئامادەن پشتیوانی لە كاندیدی سەرۆكی پارتی دیموكراتی كوردستان بۆ سەرۆكایەتی كۆماری عێراق بكەن.

مالكی لە دوای كۆبونەوەی لەگەڵ وەفدی پارتی دیموكراتی كوردستان بە سەرۆكایەتی فوئاد حوسێن رایگەیاند، ئەوان لێكتێگەیشتی باشیان هەبووەو پشتیوانیشی بۆ فوئاد حوسێن دووپاتكردەوە.

وتیشی”هیواداربووین كە برایانی كورد تەنها یەك كاندیدیان هەبووایە”.

پشتیوانی مالكی بەفەرمی لە كاندیدەكەی پارتی دوای ئەوەدێت، هەریەك لە پارتی و یەكێتی بە دوو كاندیدی جیاواز ململانێی پۆستی سەرۆكایەتی كۆماری عێراق دەكەن.

بەردەوام بە لە خوێندنەوە

کوردستان

گۆڕان: یەكێتی و پارتی بۆ شەڕی پۆست لە بەغدان، ئێمە ئەوە ناكەین

خەڵك-بەشی هەواڵ

كاندیدێكی دەرچووی بزووتنەوەی گۆڕان بۆ پەرلەمانی عێراق ئاشكرایدەكات، تا ئێستا بایكۆتی كۆبونەوەكانمان كردووە، چونكە كۆبونەوەكان لەبەرژەوەندی هاووڵاتیان نین.

دوای پەسەندكردنی ئەنجامی هەڵبژاردنەكانی عێراق دوو كۆبونەوەی ئەنجومەنی نوێنەرانی عێراق ئەنجام دراون، بەڵام تا ئێستا ئەندامەكانی بزووتنەوەی گۆڕان بەشداری كۆبونەوەكانیان نەكردووە و بایكۆتیان كردووە.
غالب محەمەد كاندیدی دەرچووی گۆڕان بۆ پەرلەمانی عێراق بە (خەڵك)ی راگەیاند، كورد ئێستا بۆ پۆست رۆیشتووە بۆ بەغدا و بۆ خزمەتی خەڵك نەڕۆیشتووە، هەركات زانیمان بابەتێك هەیە لەسەر خەڵك ئەو كاتە قسەمان دەبێت و دەڕۆین.

وتیشی” بۆ پۆستی سەرۆك كۆمار و پۆستی وەزارەت ناڕۆین بۆ بەغدا، ئەوە كاری پارتی و یەكێتییە و با هەر ئەوان بڕۆن”.

سەبارەت بە دواكەوتنیان لە گۆڕەپانی سیاسی عێراق بەهۆی بەردەوامیدانیان بە بایكۆت ناوبراو ڕایگەیاند، سیاسەت بۆ ئەوەیە خزمەتی خەڵك بكەیت، ئەگەر ئێمە بچین بۆ پۆست پێموانییە بۆ خزمەتی خەڵك بێت، پارتی و یەكێتی دەنگی ئەو هەموو خەڵكەیان دزی و نوێنەرەكانی خۆیان ناردووە، لە بری ئەوەی باسی 17%ی بودجە و ناوچە جێناكۆكەكان بكەن، دەڵێن چ پۆستێكمان دەدەنێ و شەڕ لەسەر پۆستی سەرۆك كۆمار دەكەن.

رونیشیكردەوە، لای خەڵك گرنگ نییە كێ سەرۆك كۆمار بێت، ئەوە گرنگە كەی موچەكەی دەدرێتێ، لەبەر ئەوە كەی باسی موچەی خەڵك كرا، ئێمەش دەڕۆین بۆ بەغدا.

بەردەوام بە لە خوێندنەوە
ریکلام
ریکلام
ریکلام

کوردستان

دوایین